Paśla pačatku vajny Nacbank Ukrainy zabłakavaŭ rachunki biełarusaŭ i rasijan. Ciapier — skasoŭvaje damovy absłuhoŭvańnia rachunkaŭ.
PryvatBank — najbujniešy bank Ukrainy. Mnohija biełarusy, jakija biehli ad represij va Ukrainu, adkryvali rachunki mienavita ŭ im.
Pryčynu zakryćcia rachunkaŭ bank rastłumačyŭ tym, što nie moža naležnym čynam vieryfikavać ludziej, zaprasić usie nieabchodnyja dakumienty dla pravierki, paźbiehnuć vypadkaŭ, kali padajecca niedakładnaja ci zaviedama niepraŭdzivaja infarmacyja.
Dla pieraličeńnia rešty srodkaŭ na rachunkach bank prapanuje źviarnucca da ich u termin da 30 dzion z momantu atrymańnia lista.
Takija listy biełarusy atrymlivajuć ź minułaha tydnia.
Jak raskazaŭ «Našaj Nivie» kansultant PryvatBanka, srodki mohuć pieravieści na luby inšy ŭkrainski bankaŭski rachunak, jaki naležyć asobie, ź jakoj skasoŭvajuć damovu, abo ich možna samastojna zabrać najaŭnymi ŭ kasie ŭ lubym adździaleńni banka.
Pieravod na rachunak jeŭrapiejskaha banka niemahčymy.
Na pytańnie, što rabić biełarusam, jakija vyjechali z Ukrainy, a zajechać nazad nie mohuć, tamu što ich nie puskajuć u krainu, kansultant banka prapanavaŭ zrabić davieranaść na inšaha čałavieka va Ukrainie albo pieraličyć srodki USU, padpisaŭšy adpaviednuju zajavu.
Kali asoba, ź jakoj razryvajuć damovu, nie źvierniecca ŭ bank praz 30 dzion, srodki buduć pieraviedzienyja na bałansavy rachunak PryvatBanka. Jak śćviardžajecca ŭ liście, viarnuć srodki možna budzie pry zvarocie ŭ bank.
Čytajcie taksama:
U BNB-Banku skončylisia zahatoŭki dla bankaŭskich kartak
Nasielnictva Biełarusi ŭ sakaviku pavialičyła valutnyja depazity ŭ bankach — Nacbank
Pamior dzied Koli Łukašenki — były viazień HUŁAHa, asudžany za dapamohu «banderaŭcam»8
Kamientary