Hetaje zdareńnie adbyłosia ŭ Iŭi na vulicy Maładziožnaj. Tam zahareŭsia bałkon u adnoj z kvater.
Kali rabotniki MNS prybyli na miesca, to bałkon hareŭ adkrytym połymiem. Vyśvietliłasia, što ŭnutry kvatery nikoha nie było, uzharańnie vyjavili susiedzi i paviedamili pra zdareńnie ŭ MNS.
Ratavalniki apieratyŭna likvidavali pažar. Ahniom paškodžany bałkon, zakuranyja stol, ścieny, majomaść u kvatery. Evakuacyja žycharoŭ z padjezda nie spatrebiłasia. Ludzi nie paciarpieli.
Chutčej za ŭsio pryčynaj pažaru staŭ słoik z vadoj, jaki stajaŭ na bałkonie. Jon, spracavaŭšy ŭ jakaści linzy, prałamaŭ soniečnyja promni i sfakusavaŭ ich na papiery, jakaja paśla zaharełasia.
Ratavalniki zaklikajuć nie dapuskać padobnych zdareńniaŭ, nie zachoŭvać šklanuju taru i lusterki pablizu voknaŭ, nie zachłamlać bałkony starymi rečami. Asabliva aktualnyja hetyja rekamiendacyi ŭ ciopłuju paru hoda.
«Efiekt linzy» taksama asabliva niebiaśpiečny ŭ lasnych masivach. Luby słoik, płastykavaja butelka z vadoj i navat maleńki askiepak škła, pakinutyja na suchoj travie, źjaŭlajucca efiektyŭnymi linzami, zdolnymi ŭ soniečny dzień pryvieści da surjoznaha pažaru.
Niaredka vinavatymi padobnych pažaraŭ stanoviacca dzieci. Hulajučy biez kantrolu darosłych, junyja «ekśpierymientatary» mohuć pasprabavać uznavić «efiekt linzy» ŭ realnym žyćci. Tamu važna raskazać im pra niebiaśpieku takich ekśpierymientaŭ i nie pakidać dziaciej biez nahladu navat na chvilinu.
Kobryniec skraŭ čužy aŭtamabil, źjeździŭ dachaty, a potym viarnuŭ mašynu na miesca
U Baranavičach dvoje maładzionaŭ skrali 21 blašanku kansiervaŭ — i atrymali kryminalnuju spravu
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?9
Kamientary