U Litvie ŭ vieku 94 hady pamierła ŭdzielnica biełaruskaha paślavajennaha supracivu Leakadzija Šyšeja. Pra heta paviedamiła aktyvistka biełaruskaj hramady ŭ Litvie Ludvika Kardzis.
Leakadzija Šyšeja (u dziavoctvie Kavalčuk) naradziłasia 1 červienia 1928 hoda. U 1946 hodzie dałučyłasia da padpolnaj biełaruskaj arhanizacyi «Čajka», jakaja płanavała zmahańnie za nacyjanalnyja pravy, hodnaść, kulturu, movu, historyju, svabodu i niezaležnaść biełarusaŭ. Udzielničała ŭ pieršych schodach arhanizacyi. U siaredzinie 1947 hoda «Čajka» była vykrytaja, a Leakadzija — aryštavanaja za ŭdzieł u antysavieckaj arhanizacyi.
Utrymlivałasia ŭ baranavickaj turmie. Zatym była asudžanaja na termin 8,5 hoda. Razam ź joj u HUŁAHu adbyvała pakarańnie słavutaja biełaruskaja paetka Łarysa Hienijuš.
U 1954 hodzie vyzvaliłasia z kancłahieraŭ. Paśla vyzvaleńnia Leakadzija Šyšeja razam sa svaim mužam Kastusiom Šyšejem pryjechała ŭ Vilniu, dzie i žyła da kanca žyćcia. Uznaharodžanaja miedalom «100 hadoŭ BNR» Rady Biełaruskaj Narodnaj Respubliki.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary