Hramadstva88

«Dla vyzvaleńnia našych blizkich robicca niedastatkova». Rodnyja palitviaźniaŭ i byłyja viaźni źviarnulisia da mižnarodnaj supolnaści

Svajaki palitviaźniaŭ i byłyja palitviaźni apublikavali zvarot da lidaraŭ śvietu z zaklikam «da bolš rašučych dziejańniaŭ pa vyzvaleńni» achviar łukašenkaŭskich represij. Jany abjadnalisia, kab zrabić hetyja namahańni bolš efiektyŭnymi.

Biełaruś ciapier pieražyvaje samyja masavyja palityčnyja represii z momantu zdabyćcia niezaležnaści. U miescach pazbaŭleńnia voli znachodzicca kala 1500 čałaviek, pryznanych pravaabaroncami palityčnymi źniavolenymi.

«Ale navat hetaja žudasnaja ličba nie adlustroŭvaje sapraŭdnych maštabaŭ teroru. Pravaabaroncy nie ŭ stanie sabrać usiu infarmacyju pra represii, a sami viaźni i ich blizkija čaściakom bajacca raspaviadać pra toje, što ź imi adbyvajecca, bajučysia pomsty siłavikoŭ. Miž tym, tolki pavodle aficyjnych źviestak, za 2,5 hoda było raspačata bolš za 11,5 tysiačy kryminalnych spraŭ, źviazanych z palitykaj», — havorycca ŭ publičnym zvarocie.

Rodnyja palitviaźniaŭ źviartajuć uvahu, što ŭ turmach palitviaźni sutykajucca sa ździekam, prynižeńniami i šantažom. Im abmiažoŭvajuć pierapisku, pazbaŭlajuć spatkańniaŭ i pieradač, kidajuć u karcar. Našytyja na vopratku žoŭtyja birki i ciažkaja prymusovaja praca ŭ kałonijach — heta toje, čym u Biełarusi karajuć za inšadumstva i žadańnie žyć u svabodnym hramadstvie. Kožny dzień i kožnaja hadzina, praviedzienyja za kratami, — heta katavańnie palitviaźniaŭ i ich svajakoŭ.

«My sa škadavańniem vymušanyja kanstatavać, što dla vyzvaleńnia našych blizkich siońnia robicca niedastatkova.

Padziei apošnich hadoŭ u Biełarusi čaściakom paraŭnoŭvajuć z vajnoj i akupacyjaj. Ale navat padčas vajny ŭ pałonnych jość mahčymaść viarnucca dadomu. Pierad našymi vačyma prykład Ukrainy: za čas kanfliktu sotni ŭkraincaŭ byli vyzvalenyja z varožaha pałonu ŭ vyniku pieramoŭ i abmienu.

Pieramovy ab vyzvaleńni pałonnych nijak nie adbilisia na rašučaści Ukrainy zmahacca z ahresaram da poŭnaha vyzvaleńnia ŭsich akupavanych terytoryj — naadvarot, viartańnie hierojaŭ tolki ŭmacoŭvaje maralny duch hramadstva.

My ž u Biełarusi za minułyja 2,5 hoda byli śviedkami tolki adzinkavych vypadkaŭ vyzvaleńnia palitviaźniaŭ. Z adnaho boku, heta havoryć pra toje, što ciapierašnija padychody nieefiektyŭnyja. Ale, ź inšaha boku, dakazvaje, što vyratavańnie viaźniaŭ režymu nie zjaŭlajecca nievykanalnaj zadačaj», — pišuć aŭtary zvarotu.

Jany dadajuć, što kali siońnia jość mahčymaść vyratavać choć by adnaho čałavieka, treba heta zrabić. «A zaŭtra budziem vyciahvać z zaścienkaŭ tych, kaho siońnia vyzvalić było niemahčyma».

«Los Jeŭropy siońnia vyrašajecca na palach bitvaŭ va Ukrainie. Ale supraćstajańnie rasijskaj ahresii nie robić prablemu palitviaźniaŭ u Biełarusi mienš važnaj — u abodvuch vypadkach havorka idzie pra abaronu ahulnačałaviečych kaštoŭnaściaŭ.

My zaklikajem lidaraŭ volnaha śvietu da bolš rašučych dziejańniaŭ pa vyzvaleńni palitviaźniaŭ, jakija ŭklučajuć u siabie pierahavornyja pracesy, namahańni jak publičnaha, tak i niepubličnaha charaktaru. My ŭ svaju čarhu hatovyja brać aktyŭny ŭdzieł u raspracoŭcy novych padychodaŭ, taktyki i stratehii», — havorycca ŭ zvarocie.

U inicyjatyŭnuju hrupu ŭvajšli Taćciana Chomič — siastra Maryi Kaleśnikavaj, Alaksandr Łojka — muž Iryny Słaŭnikavaj, Śviatłana Mackievič — žonka Uładzimira Mackieviča.

Na siońnia zvarot sabraŭ 29 podpisaŭ. Siarod publičnych padpisantaŭ:

Ihar Iljaš, muž palitźniavolenaj žurnalistki Kaciaryny Bachvałavaj;

Volha Ivašyna, žonka palitviaźnia žurnalista Dzianisa Ivašyna;

Viktar Parchimčyk, były palitviazień;

Darja Čulcova, žurnalistka, byłaja palitźniavolenaja;

Siarhiej Stalmakoŭ, były palitviazień;

Vadzim Chižniakoŭ, były palitviazień;

Halina Antončyk, dačka palitviaźnia Ryhora Kastusiova;

Jana Kavalova, siastra palitviaźnia Ilji Vieramiejeva;

Anatol Pańkoŭski, muž Valeryi Kaściuhovaj;

Nadzieja Łučanok, dačka palitviaźnia Uładzimira Mackieviča;

Ihar Jurčyk, syn palitviaźnia Alaksandra Jurčyka i inšyja.

Kamientary8

  • daviedka
    10.01.2023
    Odnako, kak udačno vybran momient. ONT zavtra anonsirujet razobłačienije pro "podstavnoj kabiniet" Tichanovskoj.
  • Jaśka
    10.01.2023
    Nažal u mnohich palitviaźniach truślivyja radnyja :-(

    Ni ŭ akcyjach nie udzielničali...
    A zaraz - kali rodnaha čałavieka zatrymali: adziny šlach vyzvaleńnia - u połk kalinoŭskaha
  • No
    10.01.2023
    daviedka, ONT chaj kročyć u dupu. A vam mienš hladzieć łukašenaŭskaje TB

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →