Sioleta pierakryty 57 kanałaŭ pastaŭki biełaruskich hramadzian dla sieksualnaj ekspłuatacyi u 12 krainaŭ śvietu.
Sioleta pierakryty 57 kanałaŭ pastaŭki biełaruskich hramadzian dla sieksualnaj ekspłuatacyi u 12 krainaŭ śvietu.
Siarhiej Kałtun, namieśnik načalnika ŭpraŭleńnia pa narkakantrolu i supraćdziejańniu handlu ludźmi kryminalnaj milicyi Ministerstva ŭnutranych spravaŭ RB, paviedamiŭ na pres‑kanfierencyi, što Biełaruś źjaŭlajecca krainaj tranzitu i pachodžańnia pastavak žyvoha tavaru ŭ inšyja dziaržavy.
Vyjaŭlena 321 złačynstva pa handlu ludźmi. Spyniena dziejnaść dzieviaci mižnarodnych arhanizavanych złačynnych hrup i dvuch złačynnych arhanizacyj.
U tym liku prypyniena dziejnaść udzielnikaŭ złačynnaj arhanizacyi, u jakoj byli try hramadzianina Izrailu, jakija zajmalisia vierbavańniem i pastaŭkaj biełaruskich dziaŭčyn dla handlu ludźmi ŭ nielehalnyja bardeli Izraila.
Akramia baraćby ź miždziaržaŭnymi kanałami trafika, pravodzicca i praca pa supraćdziejańniu sieksualnaj ekspłuatacyi ŭnutry krainy. U hetym hodzie spyniena dziejnaść dvuch arhanizavanych złačynnych hrup, jakija kantralujuć prastytucyju ŭ Mahilovie i Breście. Sioleta ŭ lutym było zatrymana 7 čałaviek, jakija zajmalisia prastytucyjaj ŭ hatelach i na zdymnych kvaterach. Ich sprava razhladajecca ŭ sudzie.
Siarhiej Kałtun taksama raskazaŭ, što ŭ hetym hodzie vyjaŭlena ŭžo 127 złačyncaŭ źviazanych z vytvorčaściu i raspaŭsiudam dziciačaj parnahrafii:
«Ahulnasuśvietnaja tendencyja raźvićcia dziciačaj parnahrafii nie stała maštabnaj źjavaj u našaj krainie, dziakujučy svoječasovym papiarednim mieram i aktyŭnaści pravaachoŭnych orhanaŭ».
Spyniena dziejnaść 9 pornasajtaŭ, likvidavana 2 pornastudyi pa vytvorčaści i tyražavańniu pornapradukcyi.2 krasavika vyniesieny sudovy vyrak u adnosinach da mižnarodnaj złačynnaj hrupy, na čale jakoj stajali try hramadzianina Rasii. Na praciahu niekalki hadoŭ złačyncy zdymali i vyviešvali ŭ internet porna z udziełam niepaŭnaletnich chłopčykaŭ. Jany asudžanyja na roznyja terminy ad troch da siami hadoŭ pazbaŭleńnia voli, z kanfiskacyjaj majomaści.
Z 2002 hoda pa siońniašni dzień vyjaŭlena bolš za 3900 achviaraŭ handlu ludźmi, bolšaść ź ich atrymali reabilitacyjnuju i intehracyjnuju dapamohu ŭ mižnarodnych arhanizacyjach i biełaruskich NDA.
«Vysiłki Respubliki Biełaruś u śfiery procidziejańnia handlu ludźmi pryznany i vysoka acenieny mižnarodnaj supolnaściu. — zaznačyła Valancina Stałyha, kiraŭnik prahramnaha adździeła raźvićcia AAN u Biełarusi, — Biełaruś adna ź pieršych krain SND, jakaja pačała maštabnuju kampaniju pa procidziejańni handlu ludźmi i praciahvaje demanstravać pryncypy bieskampramisnaj baraćby z hetaj źjavaj».
Aleksijevič narešcie vykazałasia pra Izrail i Paleścinu33
Kamientary