HUBAZiK zatrymaŭ nataryusa za ŭdzieł u pratestach. Ź ich videa jasna, jakim čynam na jaje mahli vyjści
Nataryusa Aksanu Doŭhuju zatrymali dniami. Ź videa stanovicca zrazumieła, jakim čynam, chutčej za ŭsio, na jaje vyjšli i jak dziejničajuć hubazikaŭcy.
Uzrost žančyny nieviadomy, ale viadoma, što jana bolš za 17 hadoŭ pracavała nataryusam, apošniaje miesca pracy — Nataryjalnaja kantora №2 Savieckaha rajona horada Minska.
Siłaviki kažuć, što znajšli jaje praz «dvaravy čat». Ale, miarkujučy pa skrynšotach ź videa, adbyłosia heta nie zusim tak. Žančyna ničoha tudy nie pierasyłała i navat amal nie pisała tam paviedamleńniaŭ.
Adzinaje, što jany demanstrujuć u pierapiscy — dyjałohi ŭ telehramie padčas pierapiski ź niejkimi ludźmi, u jakich mielisia fota z pratestaŭ. To-bok, chutčej za ŭsio, žančyna trapiła pad «haračuju ruku», bo pierapisku ź joj znajšli ŭ inšaha zatrymanaha čałavieka (mahčyma, kahości z dvaravoha čata).
I heta jašče raz padkreślivaje toje, jak važna čyścić fota na vašych telefonach (naš hajd — tut) i ŭsie dyjałohi ŭ telehramie, a taksama rehularna vydalać keš miedyja i keš bazaŭ danych telehrama.
Ci zaviedzienaja suprać žančyny kryminalnaja sprava — nieviadoma, ale heta mahčyma, bo ŭ pierapiscy vidać jaje fota z prajeznaj častki.
Usiaho ŭ Biełarusi na hety momant zaviedzienyja da 12 tysiač palityčna matyvavanych kryminalnych spraŭ, ich fihurantami stali dziasiatki tysiač ludziej. Dakładnyja ličby nieviadomyja. Z prapahandy, jakoj supravadžajucca represii, vynikaje, što łukašenkaŭcy chočuć dabicca, kab biełarusy bolš nikoli nie patrabavali svabodnych vybaraŭ i prava naroda samomu vybirać uładu.
«Naša Niva» — bastyjon biełaruščyny
PADTRYMAĆDanosy, bojka z Daškievičam, zavyšeńnie pakazčykaŭ u BRSM — jak prałažyŭ sabie šlach deputat-kamunist Siarhiej Kliševič?6
Kamientary