Z žurfaka BDU syšła dekan — jana adličvała studentaŭ paśla sutak
Kandydat fiłałahičnych navuk, dacent Volha Samusievič pracavała na pasadzie dekana z 3 lipienia 2018 hoda.
Pra jaje zvalnieńnie stała viadoma z sajta fakulteta.
Z 2014-ha pa 2017-y Samusievič vykonvała abaviazki zahadčyka kafiedry pieryjadyčnaha druku na žurfaku.
U 2020 hodzie i paśla jaho prasłaviłasia represijami ŭ dačynieńni da studentaŭ, jakija vychodzili na akcyi pratestaŭ, byli zatrymanyja i adbyvali sutki.
Samusievič prymušała studentaŭ pisać tłumačalnyja, vynosiła dyscyplinarnyja spahnańni, adličvała z fakulteta.
Vykazvałasia jana i ab situacyi ŭ krainie.
«U nas pa-sapraŭdnamu mocnaja ŭłada, na čale jakoj znachodzicca vydatny lidar. Heta adznačajuć i ŭ inšych krainach. Tym nie mienš sam prezident nie adnojčy kazaŭ pra toje, što byvajuć roznyja akaličnaści. Vielmi važna praduhledzieć i papiaredzić ich, kab naša dziaržava nie paŭtaryła sumny dośvied tych krain, dzie mieli miesca tak zvanyja kalarovyja revalucyi», — kazała jana ŭ intervju adnamu ź dziaržaŭnych ŚMI.
Mnohija vykładčyki fakulteta žurnalistyki trapili na sutki.
U źniavoleńni pabyvała dacent kafiedry telebačańnia i radyjoviaščańnia žurfaka Hanna Kurejčyk.
Taki ž los napatkaŭ jaje kalehu Ksieniju Martul.
Dacenta Alaksandra Dubroŭskaha, jaki pracavaŭ na kafiedry miedyjalinhvistyki i redahavańnia, zvolnili, abvinavaciŭšy ŭ parušeńni karparatyŭnaj etyki. Jak parušeńnie etyki kiraŭnictva interpretavała podpis vykładčyka pad kalektyŭnym zvarotam suprać falsifikacyj, hvałtu i biezzakońnia. I heta tolki vypadki, viadomyja srodkam masavaj infarmacyi.
Pačynajučy z 2020-ha z fakulteta žurnalistyki BDU pajšli «pa zhodzie bakoŭ» mnohija vykładčyki. Nie ŭsie ź ich rabili heta publična, kab minimizavać niebiaśpieku.
Čytajcie taksama:
Najlepšaj vypusknicaj žurfaka pryznali dačku pałkoŭnika KDB
Pamiatajecie vykładčycu BDU, jakaja apraŭdvałasia za adpačynak u Jeŭropie? Jana padzialiłasia ŭražańniami: Tam stamilisia ad niepryhožych amierykancaŭ
«Chacieli dać zajaŭku na čałavieka, ale jon nie prajšoŭ ideałahičnuju pravierku». Studenty žurfaka raskazali, kudy ich źbirajucca raźmiarkoŭvać
Pašpart Novaj Biełarusi pačnuć vydavać z 26 studzienia. Što viadoma i jak atrymać?46
Kamientary