Paznohci mohuć być prykmietaj hroznaj chvaroby. Jak heta zaŭvažyć?
Vyhlad našych paznohciaŭ moža mnohaje raskazać ab stanie našaha zdaroŭja. Kali my pačynajem chvareć, nohcievaja płaścina mianiaje koler, formu i navat teksturu. Hetyja sihnały nielha ihnaravać.
Kali vy zaŭvažyli, što płaścina mianiaje koler abo formu, vam varta źviarnucca da śpiecyjalista. Adnym z tryvožnych simptomaŭ źjaŭlajucca tak zvanyja «paznohci Tery», jakija śviedčać pra źmieny ŭ arhaniźmie. Jak ich adroźnić?
Što takoje paznohci Tery? Vy možacie adroźnić ich pa hetych prykmietach
Paznohci Tery — heta termin 1954 hoda. Jany nazvanyja ŭ honar brytanskaha lekara, jaki ŭpieršyniu apisaŭ ich. Tery zaŭvažyŭ, što ŭ 82-ch sa sta chvorych na cyroz paznohci mieli śpiecyfičny vyhlad. Jakija ich charaktarystyki?
Paznohci Tery majuć śvietły, čas ad času navat małočna-bieły koler amal pa ŭsioj daŭžyni za vyklučeńniem adnoj pałoski šyrynioj ad 0.5 da 3 mm, naprykancy paznohcia.
Dobraja navina ŭ tym, što paznohci nie patrabujuć lačeńnia. Źmianieńnie koleru źnikaje pry lačeńni spadarožnaha zachvorvańnia.
Kali biełaja častka tolki trochi vystupaje za miežy kutykuły, to pryčynaŭ dla turboty niama. Ale kali jana raście i pakryvaje ŭsio bolšuju płošču płaściny, heta moža być simptomam sistemnych zachvorvańniaŭ.
Na što jany mohuć pakazvać?
Choć u niekatorych vypadkach takija paznohci mohuć być prosta prykmietaj stareńnia arhanizma, časta jany źjaŭlajucca simptomam najaŭnaści niebiaśpiečnaha zachvorvańnia. Daśledavańni paćviardžajuć ich suviaź z:
- cyrozam piečani,
- zastojnaj sardečnaj niedastatkovaściu,
- dyjabietam 2 typu,
- zachvorvańniami pieryfieryčnych sasudaŭ,
- nyračnaj niedastatkovaściu,
- imunadeficytam,
- virusnym hiepatytam.
Kali vy zaŭvažyli ŭ siabie takija paznohci, to samy čas źviarnucca da lekara!
Čytajcie jašče:
Torhajecca pavieka? Tłumačym, što značyć hety simptom
Ci možna vypivać, kali vy pryščapilisia ad kavidu?
«Na pusty straŭnik» — heta kali? Kolki času ježa pravodzić u nas u straŭniku?
Milicyjant, jaki viadzie kanał viciebskaha HUBAZiKa, vypadkova vydaŭ siabie11
Kamientary
da hetaha štole? - "Po słovam Łukašienko, «jeśli vdruh» on nie budiet priezidientom — načniet lečiť ludiej."
vsie ž vrači, kromie nieho, ili sidiat, ili ujechali vrodie