Hramadstva66

Ułady razburyli jašče adny mohiłki žaŭnieraŭ Armii Krajovaj. Hetym razam — pad Hrodnam

Było źniščanaje pachavańnie ŭ vioscy Plabaniški Hrodzienskaha rajona, paviedamlaje Mostmedia.io sa spasyłkaj na Sajuz palakaŭ Biełarusi.

Tam pachavanyja čatyry žaŭniery, jakija zahinuli ŭ sutyčcy ź niemcami 24 vieraśnia 1943 hoda kala vioski Plabaniški — Kazimir Achramovič (Jarski), Miečysłaŭ Misiuta (Nieznany), Balasłaŭ Misiura (Swierk), Hanna Zaryckaja (Czarna Hanka). Vioska Plabaniški znachodzicca za 23 kiłamietry na poŭnač ad Hrodna, kala biełaruska-litoŭskaj miažy.

Kapitana zabili, a cieła spalili

U vieraśni 1943 hoda hrupa žaŭnieraŭ Armii Krajovaj, u liku jakich byŭ paranieny kapitan Balasłaŭ Misiura, zatrymałasia ŭ leśničoŭcy kala vioski Plabaniški. Sołtys vioski danios pra heta niemcam, jakija prybyli ŭ Plabaniški i atakavali žaŭnieraŭ. Byli zabityja Balasłaŭ Misiura i sanitarka Hanna Zaryckaja. Cieła kapitana zhareła ŭ padpalenaj leśničoŭcy, paśla čaho niemcy ŭkinuli jaho ŭ kałodziež, a cieła sanitarki niemcy pavieźli ŭ bok Hožy i zakapali pry darozie. Miascovyja žychary pierapachavali achviar.

Kryž na miescy sutyčki i hibieli žaŭnieraŭ AK byŭ pastaŭleny ŭ 90-ja hady na srodki Heleny Pšepieść, jakaja naradziłasia ŭ Plabaniškach, a paśla žyła ŭ Hdańsku.

Raniej było viadoma pra šeść vypadkaŭ razbureńnia mahił sałdat Armii Krajovaj u Hrodzienskim rehijonie.

1 lipienia ŚMI paviedamili pra razbureńnie pachavańniaŭ u Jodkavičach Bierastavickaha rajona, 4 lipienia — u Mikuliškach Ašmianskaha, 8 lipienia — u Vaŭkavysku, 9 lipienia — u Kačyčach Karelickaha rajona. 22 lipienia stała viadoma pra razbureńnie mohiłak žaŭnieraŭ AK u Stryjeŭcy pad Hrodnam. 25 žniŭnia kala vioski Surkanty ŭ Hrodzienskaj vobłaści nieviadomyja zraŭniali ź ziamloj mohiłki Armii Krajovaj — adny z najbujniejšych u rehijonie. Taksama viadoma, što kala vioski Piaskoŭcy byŭ razburany pamiatny znak palakam, jakija zahinuli ŭ bajach z vojskami NKVD.

Staršynia Hrodzienskaha abłvykankama Uładzimir Karanik jak kiraŭnik rehijona situacyju nie kamientuje. Jon naohuł zaprašaje polskich turystaŭ skarystacca biaźvizavym režymam i naviedać Hrodzienščynu.

Kamientary6

  • karanik i osietin starajutsia
    12.09.2022
    Oni dumajut, čto opohanivanije mohił dajot im siłu i vłasť. Nu-nu, boleźni im i ich rodu, do diesiatoho kolena, budut darovany, proklatija im i ich rodu, budut darovany.
    Nikakije dieńhi i nikakaja vłasť nie pomožiet.
  • Kraj
    12.09.2022
    Kakoj styd, stirať s lica ziemli pamiať pokolenij. I zamiettie, uničtožajet vsie, čto śviazano s nacionalnoj indiefikacijej našiej Biełarusi jejo multikulturnosti, za isklučienijem prorosijskoho. Ludi užie nie mohut svobodno nosiť odieždu v nacionalnom stile, zatykajut rty za biełoruskaść, polskosť i t.p. Takoje oŝuŝienije, čto užie niet niezavisimoj samobytnoj Biełarusi, a okraina Rusi s houlajtierom vo hłavie. Piečalka.
  • Manhoł
    12.09.2022
    Ale jakaja paskudnaja ŭłada.

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →