Apošni tydzień šmat dzie ŭ śviecie nazirałasia rekordnaja śpioka. U takoj nadvorje chočacca rassłabicca i ničoha nie rabić, ale ž zastajecca praca, jakuju nielha kinuć. Bred Pit žyvie pa tych ža praviłach.
19 lipienia Pit prybyŭ u Bierlin na pieradpremjerny prahlad svajho novaha filma «Chutčej za kulu» (Bullet train). U horadzie stajali nievynosnyja 38 hradusaŭ śpioki, ale Pit pakazaŭsia publicy ŭ śviežym vobrazie ź ilnianych rečaŭ. Na akciory była karyčnievaja spadnica, pinžak u ton i čyrvonaja kašula, zašpilenaja na huziki, piša CNN.
Internet-karystalniki kinulisia horača abmiarkoŭvać vobraz Pita i padoł jaho spadnicy, jaki krychu pryadkryvaje kaleni zorki. Jość jak tyja, chto ŭchvalaje lniany kaścium, tak i tyja, chto jaho biaźlitasna krytykuje. U tvitary navat źjaviŭsia chešteh, pryśviečany spadnicy Pita.
Tyja, kaho šakavaŭ novy vobraz Breda Pita, napeŭna, prosta nie pamiatajuć, što akcior i raniej nie hrebavaŭ spadnicami. U 1999 hodzie vychodziŭ lehiendarny film «Bajcoŭski kłub», jaki raskryvaŭ niebiaśpieku zvyčajnaj maskulinnaści i apantanaść dasiahnieńniem statusu važaka. Niezadoŭha da premjery Bred Pit, jaki adyhraŭ u «Bajcoŭskim kłubie» hałoŭnuju rolu, źjaviŭsia ŭ fotasiesii dla viadomaha vydańnia Rolling Stone navat nie ŭ adnoj karotkaj sukiency, a ŭ piaci.
Tyja foty zrabiŭ viadomy fatohraf Mark Sielihier, i jany stali zychodnym punktam dla papularyzacyi hiendarna-niejtralnaha adzieńnia. Heta nijak nie paŭpłyvała na status Pita jak mižnarodnaha seks-simvała.
Što da vobraza Pita ŭ lnianoj spadnicy, naŭrad ci treba šukać za im žadańnie ŭvieści novy modny trend. Chutčej, heta prosta praktyčnaje rašeńnie: kali nie možaš vytrymać śpioki, apranaj ilnianuju spadnicu.
Bred Pit kaža, što ŭ jaho moža być prozapahnazija. Što heta za miedycynski razład?
Ćvil i hnil. Damy, što Bred Pit pabudavaŭ dla biednych, razvalvajucca na vačach
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary
vo, bačyš, bamžycha śvietu, jak treba apranacca ŭ śpiakotu. a toje ŭsio štaniški...štaniški...karatkavatyja štaniški i zašpilena amal na ŭsie huziki (adzin reŭna advaliŭsia, a pryšyć niama kamu)