Biełaruskaja delehacyja nie atrymała vizy dla ŭdziełu ŭ 29-j siesii Parłamienckaj asamblei ABSIE, jakaja prachodzić u brytanskim horadzie Birminhiemie. Pra heta zajaviŭ staršynia pastajannaj kamisii Pałaty pradstaŭnikoŭ pa mižnarodnych spravach Andrej Savinych.
«My padali zajavu na vizu ŭ adpaviednaści z patrabavańniami brytanskaha boku i ŭ patrebnyja terminy. Pad nadumanymi kryvadušnymi padstavami ŭ vizie nam było admoŭlena», — ličyć Savinych.
Pa jaho słovach, deputaty PP NS byli hatovyja da «žorstkaha abmienu dumkami».
U adkaz Savinych paabiacaŭ, što «ŭ suviazi z hetym my budziem nakiroŭvać svaje namahańni pierš za ŭsio na kansalidacyju i prajaśnieńnie pazicyi našych krain, krain-sajuźnikaŭ, heta i Rasijskaja Fiederacyja, i dziaržavy ADKB, i ŭvieś astatni śviet».
Letaś vizy «pałatnikam» u anałahičnaj situacyi nie vydała Aŭstryja, jakaja prymała siesiju PA ABSIE ŭ Vienie.
Kamientary