Litoŭskija pradaŭcy: Adziny tavar ź Biełarusi i Rasii, jaki pakul ciažka zamianić — soda
Litoŭskaje vydańnie delfi.lt raspytała pradstaŭnikoŭ najbujniejšych u krainie handlovych sietak, ci jość u ich ciapier deficyt tavaraŭ, jakija tradycyjna pastaŭlalisia ŭ asnoŭnym ci ŭ značnaj stupieni ź Biełarusi ci Rasii. Akazałasia, što ŭsie prablemy ŭ cełym užo ŭdałosia vyrašyć, a vyklučeńnie tolki adno — charčovaja soda.
Pradstaŭniki kram Iki, Maxima, Rimi, Norfa, Lidl pieraličvajuć brendy, jakich bolš nie budzie, ale nadta pa ich nie pieražyvajuć, bo ich udałosia zamianić pastaŭkami ź inšych krain. Chiba što mohuć peŭnyja prablemy jašče ŭźniknuć u budučyni, kali vajennyja dziejańni va Ukrainie buduć praciahvacca.
Jak skazała pradstaŭnica Rimi Lietuva Habryele Šaranienie:
«Zastajecca asnoŭny vyklik — słaniečnikavy i rapsavy alej, pakolki jaho hałoŭnymi vytvorcami byli Ukraina i Rasija. Jość pytańnie i hrečki ŭ novym siezonie, nieviadoma, ci ŭdasca Ukrainie vyraścić i ekspartavać uradžaj».
A voś z sodaj jość prablemy ŭžo siońnia. Pradstaŭnica sietki kram Iki Vajda Budrenie skazała
«Adzinaje, što pakul składana zamianić — heta soda. Jana była rasijskaja, ciapier sody nie chapaje. Akramia taho, jaje masava raskuplali, prodažy vyraśli ŭ 10 razoŭ».
Pra prablemy z sodaj havoryć i kiraŭnik sietki Norfa Dajnius Dundulis:
«Ščyra skažu, tut jość prablema. Moža, my niešta i znajšli, ale maleńkija partyi. Alternatyvy jość, ale pakul niaznačnyja. Dumaju, adnak, heta pytańnie času, prablemu ŭdasca vyrašyć».
Na jaho dumku, na adnaŭleńnie pastavak sody spatrebicca ad 3 miesiacaŭ da hoda.
Pra kłopaty z pastaŭkami sody zhadała i pres-sakratar sietki Machima Erniesta Dapkienie. Charčovuju sodu ciapier viazuć z Bośnii i Hiercahaviny, ale šukajuć i inšych pastaŭščykoŭ.
Čytajcie taksama:
«Vialiki, bahaty Zachad, a soli niama!» Łukašenka vystupiŭ z novymi łžyvymi zajavami
Łukašenka zajaviŭ, što litoŭcy skuplajuć našy pradukty i paliva. A jak nasamreč?
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi4
Kamientary