Čamu tak rezka vyrasła kolkaść vypadkaŭ karanavirusa? Voś što adkazali ŭ Minzdaroŭja
U apošnija dni aficyjnaja statystyka pa kavidzie bje rekardy. U sieradu jana pakazała plus 3634 novyja vypadki, učora — nievierahodnyja plus 4990. Čym vyklikany taki vializny skačok? Čytačka «Našaj Nivy» patelefanavała na haračuju liniju Minzdaroŭja, kab daviedacca heta.
Čytačka źviarnułasia na haračuju liniju z pytańniem, čamu tak rezka vyrasła kolkaść chvorych na karanavirus.
«Užo nie pieršy dzień novy štam hulaje, jaki nazyvajecca amikron. Jon bolš kantahijozny, bolš zarazny», — patłumačyŭ śpiecyjalist Minzdaroŭja.
Ale ž raniej pry amikronie ŭ dzień było nie bolš za dźvie tysiačy vypadkaŭ, a apošniaja aficyjnaja ličba — amal piać tysiač. Što zdaryłasia?
«Nu, takaja niaprostaja situacyja», — adkazali na haračaj linii.
Kali pahladzieć statystyku, to kolkaść praviedzienych testaŭ nie zaŭsiody źviazana z kolkaściu novych vypadkaŭ. Naprykład, 30 studzienia pry 43 tysiačach testaŭ za minułyja sutki zafiksavali 2387 novych chvorych na kavid, a 2 lutaha pry 41,6 tysiačy testach — 3634 kiejsaŭ. Kala 1900 novych vypadkaŭ davała i 11 tysiač testaŭ (1 lutaha), i 29 tysiač (31 studzienia).
Čytačka pacikaviłasia taksama, ci treba ciapier znoŭ nasić maski. Bo samo Minzdaroŭja vykraśliła masačny režym z abaviazkovych praviłaŭ, a z transpartu i inšych hramadskich miescaŭ ździrali nalepki z zaklikami nasić maski.
«Adnaznačna!» — adkazali ŭ Minzdaroŭi.
Čytajcie pa temie:
«Chto mnie daść balničny z tempieraturaj 37?». Raskazvajem, jak pracujuć biełarusy ŭ razhar «amikrona»
Katastrofa ŭ paliklinikach. Hihanckija čerhi na čatyry-šeść hadzin, sotni ludziej u kalidorach
Chto moža zachvareć na «postkavid»? Voś faktary ryzyki
Doktar-infiekcyjanist na bryfinhu Minzdaroŭja: Kali vy pa-naplavacielsku staviciesia da navakolnych, rodnych, to možacie nie nasić maski
Bort Łukašenki z-za techničnych prablem viarnuŭsia ŭ Minsk bieź jaho16
Kamientary