Zianon Paźniak: Biełaruskaja terytoryja zaraz — pad kantrolem rasijskaha vojska, i Łukašenka ničoha nie moža zrabić

Pra akupacyju

Toje, što zdaryłasia ŭ Biełarusi, — heta typovaja akupacyja.

Pa-pieršaje, režym źjaŭlajecca nielehitymnym, i tamu ŭ jaho niama nijakaha prava rasparadžacca losam nacyi. Pa-druhoje, hety režym źjaŭlajecca režymam unutranaj akupacyi. Heta značyć, što 27 hadoŭ tamu Maskva pastaviła svajho staŭlenika, jana całkam jaho kantraluje, i ekanamična, i palityčna. Režym pravodziŭ palityku całkam u intaresach RF — zakryćcio škołaŭ, mova, ekanomika, šmat što. 

Faktyčna, biełaruskaja terytoryja ciapier — pad kantrolem rasijskaha vojska, i Łukašenka ničoha nie moža zrabić. I realna hety «biełaruski haŭbiec» znachodzicca ŭ rukach Pucina. Hetyja vojski mohuć być častkova vyviedzienyja, zastanucca častkovyja bazy, ale, jak kažuć, cnatlivaści ŭžo niama. 

Navat kali jany poŭnaściu vyvieduć ź Biełarusi svaje vojski — heta ničoha nie aznačaje. Heta fakt akupacyi adbyŭsia, i jana jość. Ale hetyja vojski poŭnaściu vyviedzienyja nie buduć. Jość vučebnyja centry, a heta šyrma dla vajskovych bazaŭ.

Pra mahčymaść rasijska-ŭkrainskaj vajny

Toje, što zrabiŭ Pucin, zroblena niečakana dla Zachadu i dastatkova prafiesijna. Jany zrabili šum vakoł Ukrainy, ale napadać Pucinu na Ukrainu i ŭviazvacca ŭ vajnu — vielmi ryzykoŭna. Ja nie dumaju, što jon u jaje ŭviažacca. Ale pad hetaje šoŭ jany zaniali «biełaruski haŭbiec». Heta ŭžo zusim inšaja situacyja, heta ŭžo nie vojski ŭ Smalensku. Jany buduć stajać pad Buham, jany buduć stajać kala Horadni, ichnaja stratehičnaja avijacyja ŭžo ŭviedziena ŭ Biełaruś. Heta cisk na ŭvieś Zachad i na Ukrainu.

Pra reakcyju Zachadu

Dla Jeŭropy Biełaruś — heta centralnaja kraina, heta vielmi važny vuzłavy punkt. Kali jany straciać hety «haŭbiec», to stratehična dla Zachadu heta budzie jašče horš, čym stracić Ukrainu. Kab nie razumieć takija rečy, vidać, treba być deputatam Jeŭraparłamienta.

Pucin faktyčna zabraŭ Biełaruś, dyk zrabicie mocny adkaz. Jon ściahnuŭ vojski z usioj Rasii ŭ Biełarusi, i jany jašče iduć. Nichto navat nie viedaje, kolki hetaha budzie. Čyhunačniki paviedamili, što budzie 200 vahonaŭ. Całkam mahčyma. I ŭ Zachadu jość mahčymaści, jany pra heta zajaŭlajuć. U ich niama voli i rašučaści.

I kali tak budzie dalej, to paŭtorycca jak ź fiuraram. Chacieli jaho ŭłaskavić, addali Sudety, Aŭstryju. Tak nielha abychodzicca z dyktatarami, vorahami čałaviectva. Historyja pakazvaje, što treba abychodzicca pa-inšamu. I ciapier jość takaja mahčymaść.

Papiaredzić Rasiju, zrabić zajavu pra vyvad vojskaŭ ź Biełarusi. Kali heta nie budzie zroblena, to pryniać tyja mocnyja miery, pra jakija kazaŭ Bajden, i Stołtenberh, i ŭsie astatnija, što ŭ vypadku ataki na Ukrainu jany prymuć mocnyja miery. Pavinien być ultymatum Rasii, kab vyvieści vojski, bo heta akupacyja Biełarusi.

Čytajcie taksama:

Łukašenka adkazaŭ Paźniaku nakont akupacyi Biełarusi

Zianon Paźniak: Zachad i NATA absalutna nie razumiejuć, što adbyvajecca

«Navat nie varta kamientavać», — Zianon Paźniak raskazaŭ, kali i pry jakich umovach vierniecca ŭ Biełaruś

• 0
• 0
• 0
• 0
• 0
• 0