Eks-prezidenta Hruzii Michaiła Saakašvili pieraviali ŭ reanimacyju paśla taho, jak jon straciŭ prytomnaść u čaćvier u turemnym špitali, paviedamlaje partał «Novosti-Hruzija».
«Heta była karotkaterminovaja strata śviadomaści, byŭ vysoki cisk i byli niestabilnyja hlikiemičnyja pakazčyki. Jon lažyć u reanimacyi, i tam dziažuryć reanimatołah. Jon całkam kantaktny», — zajaviła lekar.
Stan pacyjenta stabilny. Jana dadała, što pryčyny karotkačasovaj straty prytomnaści stanuć viadomyja paśla praviadzieńnia šerahu daśledavańniaŭ.
Saakašvili, jaki praciahvaje haładoŭku ŭžo 49-y dzień, raniej u čaćvier straciŭ prytomnaść padčas sustrečy z advakatami i byŭ vyniesieny z pakoja dla spatkańniaŭ na nasiłkach.
Hrupa lekaraŭ pad ehidaj ambudsmiena Hruzii Nino Łamdžaryi paśla miedycynskaha ahladu Saakašvili zajaviła, što jaho stan zdaroŭja krytyčny pa mnohich žyćciovych pakazčykach.
Lekary rekamiendavali špitalizavać jaho ŭ šmatprofilnuju kliniku, u jakoj jamu mohuć dać paŭnavartasnaje lačeńnie.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary