Pavieł Vinahradaŭ raspavioŭ fiejeryčnuju historyju pra toje, jak milicyjaniery jamu viartali samahon
Aktyvist ź Bierazina i eks-palitviazień padzialiŭsia ŭ svaim fejsbuku cikavaj historyjaj.
«Pamiatajecie, ja pisaŭ, što padčas pieratrusu ŭ mianie samahon zabrali? 15 litraŭ. A jašče ŭ Juryja Vinahradava [NN — baćki Paŭła] taksama kanfiskavali 10 litraŭ. Paśla ekśpiertyzy jamu patelefanavali i skazali: «Idzi zabiraj». Jon admoviŭsia. Mnie nie telefanavali, ale ja b taksama admoviŭsia.
Fiška ŭ tym, što samahonku možna tolki zachoŭvać, a pieravozić nielha.
I kali zabrać naš surahat z RUUS, to, pakul budziem vieźci jaho dadomu, my budziem parušać zakon, za što možna atrymać štraf.
My vyrašyli, što nie staniem praviarać.
Ale im ža spravu zakryć treba, tamu siońnia zdahadajciesia što? Dzyń-dzyń! Dastaŭka samahonu.
Biełarusiki, pierajazdžajcie ŭ Bierazino, ja vam kažu. Tut milicyja pryviazie tabie ałkahol prosta da bramy, navat kali ty admaŭlaješsia jaho zabirać, i ŭsio heta ŭ maskach i na patrulnaj mašynie. Takoje navat «Jeŭraopt» nie robić».
Stali viadomyja padrabiaznaści śmierci 35-hadovaha frystajlista Maksima Huścika1
Kamientary