«Naša šou idzie pa padpiscy — padpiscy ab niavyjeździe». Biełarusy na ŭkrainskim TB pažartavali pra palityku
Na ŭkrainskim humarystyčnym prajekcie «Liha śmiechu» žartavali pra biełaruskuju palityku. Kamanda ź Minska «Šakira-Šakira» zhadała pra prezidencki kartež, pasadku samalota Rynair i zakrytyja miežy.
U vystupleńni humarysty kažuć, što pryvieźli z saboj biełaruskuju liślivaść i pačynajuć chvalić ukraincaŭ.
«A sieryjały ŭ vas jakija! «Papik» — žyćciova? Žyćciova. «Svaty» — žyćciova? Žyćciova. «Słuha naroda»… Dla nas, kaniečnie, fentezi, ale dla vas žyćciova».
Druhi padarunak ad kamandy — biełaruskaja małočka. Na scenu vychodzić čałaviek u kaściumie karovy.
«Voś jana — biełaruskaja śviaščennaja žyvioła. Prosta ŭ nas karova, jakaja pierachodzić darohu, — heta adzinaje, što moža spynić kartež prezidenta».
U kaściumie, pavodle zadumy, — major.
— Kab vy tut lišniaha nie nahavaryli, mianie da vas prystavili prosta vuń adtul, — pakazvaje jon palcam uvierch.
— I paśla nie kažycie, što Biełaruś — heta nie raj. My ž pra ŭładu naohuł ničoha drennaha nie skazali.
— Nu vy ž chłopcy razumnyja — značyć, pa-lubomu niešta skažacie.
Paśla kamanda hulaje ŭ impravizavanaje palityčnaje šou.
— Pieršaje pytańnie: jaki biełarus ciapier moža spakojna źjechać za miažu?
— Traktar.
— Traktar «Biełarus» — pravilna. <…> Nastupnaje pytańnie: jak vy dumajecie: kolki zojmie intehracyja z Rasijaj?
— Zaležyć ad taho, kolki Rasija zojmie.
— Finalnaje pytańnie: musić ža być adekvatnaja pryčyna tamu, što toj samy samalot pryziamliŭsia ŭ Minsku?
— Jość adkaz. Tam, karaciej… i voś jon … jamu kaža, i, karaciej… Usio.
— Pravilna! Niama adekvatnaj pryčyny.
Viadoŭca impravizavanaj pieradačy žartuje:
«Nahadvaju, što naša šou idzie pa padpiscy — pa padpiscy ab niavyjeździe».
Kamanda «Šakira-Šakira» składajecca ź biełaruskich kvz-šnikaŭ. Kapitan — Saša Ivanoŭ, vypusknik BDUKI. Inšyja ŭdzielniki — heta humaryst Ihar Jakušaŭ z fakulteta radyjofiziki BDU, aktrysa Natalla Šulženka z Charkaŭskaha ŭniviersiteta kultury i hulec u futzał Mikałaj Danejka.
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?5
Kamientary