U Polščy zatrymali kantrabandnyja biełaruskija cyharety na $2,5 miljona
653 tysiačy pačkaŭ byli schavanyja ŭ fury za minieralnaj vataj.
Polskija mytniki spynili na Padlaššy dla nadhladu litoŭskuju furu, jakaja, zhodna z dakumientami, pavinna była pieravozić u Niamieččynu hruz minieralnaj vaty. Vyśvietliłasia, što zajaŭleny hruz znachodzicca tolki ŭ zadniaj častcy paŭpryčepa. Za im byli schavanyja kantrabandnyja cyharety, piša kas.gov.pl.
U hruzaviku, jakim kiravaŭ 32-hadovy hramadzianin Litvy, znachodziłasia 653 tysiačy pačkaŭ biełaruskich cyharet na sumu 9,7 złotych (kala 2,5 miljona dalaraŭ).
U dačynieńni da kiroŭcy raspačataja kryminalnaja sprava, jakuju kuryruje rajonnaja prakuratura ŭ Suvałkach. Hramadzianin Litvy aryštavany na 3 miesiacy. Jamu pahražaje pazbaŭleńnie voli da 10 hadoŭ.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary