Kiraŭnik dziaržavy sustrakajecca siońnia z hienieralnym sakratarom Arhanizacyi pa biaśpiecy i supracoŭnictvie ŭ Jeŭropie (ABSIE) Tomasam Hreminhieram, piša BiełTA.
«Vy možacie raźličvać na našu dapamohu i padtrymku ŭ praviadzieńni lubych mierapryjemstvaŭ pa linii ABSIE tut u Minsku. Ja absalutna padtrymlivaju vašu asabistuju nakiravanaść na refarmavańnie arhanizacyi i nadańnia joj bolšaj roli ŭ vyrašeńni ŭ vyrašeńni mižnarodnych prablem. Heta absalutna suhučna z našym mierkavańniem, našymi acenkami roli i miesca ABSIE ŭ sučasnym śviecie», — zajaviŭ biełaruski kiraŭnik.
«Biełaruś, jak vy viedajecie, i vy heta acanili, zaŭsiody vystupała i vystupaje za dyjałoh. U hetym składanym i supiarečlivym śviecie dyjałoh źjaŭlajecca hałoŭnym srodkam znosin pamiž narodami, lidarami dziaržaŭ, dziaržavami naohuł. I toje, što my siońnia sabralisia ŭ Minsku na antyterarystyčnuju kanfierencyju, — heta vielmi mocny sihnał dla našaha rehijonu. My zrobim usio dla taho, kab hetaja kanfierencyja, jakaja prachodzić u Biełarusi ŭpieršyniu, stała znakavaj padziejaj i zaniała hodnaje miesca ŭ historyi raźvićcia nie tolki ABSIE «, - adznačyŭ Alaksandr Łukašenka.
Kamientary