Alaksandr Łukašenka siońnia ŭ čas kadravych naznačeńniaŭ va ŭrad adkazaŭ na krytyčnyja zaŭvahi ŭ ŚMI i internecie.
«Ja abiacaŭ adreahavać na niekatoryja zaŭvahi našaha hramadstva ŭ ŚMI, internecie. Biaru niehatyŭ. Ja ŭžo kazaŭ, što 90% nasielnictva absalutna adekvatna padtrymlivajuć hetyja rašeńni. Ale ja biaru niehatyŭ, jaki tam prahučaŭ. Asabliva ŭ internecie, viedaju, chto heta piša. Viadoma, heta tyja, jakija, moža być, za hetaha prezidenta i nie hałasavali. Ale tym nie mienš heta častka našaha hramadstva. Heta hramadzianie Biełarusi. I nie hramadzianie, asabliva rasijanie i ŭkraincy. Tamu ja adsačyŭ razam z pres-słužbaj ŭsiu hetuju infarmacyju. I koratka chaču adkazać», — skazaŭ jon.
Pra «raznos» uradu
«Niekatoryja kažuć, voś, prezident zładziŭ raznos. Niejkaja pakazalnaja łupcoŭka, kadravyja čystki. Nijakija raznosy, nijakija čystki prezidentu niavyhadnyja. Bo ŭrad farmuje prezident. Tak, jon kansultujecca, vyvučaje hetyja kandydatury z hramadskimi arhanizacyjami … Ale ŭkaz padpisvaje prezident pa pryznačeńni členaŭ urada. I što, vy chočacie skazać, što ja pryznačyŭ hetych členaŭ urada dla taho, kab raznos zładzić? Heta značyć samomu sabie. Tamu prezidentu nu nijak nie vyhadna mieć taki ŭrad, jakomu treba ładzić raznos», — zajaviŭ biełaruski kiraŭnik.
«Ale kali ŭrad, pryznačany prezidentam, nie toje što nie pravodzić toj kurs, jaki paznačany, jaki narodam vypakutavany i padtrymany hetym uradam publična, dy jašče nie vykonvaje rašeńni prezidenta …. Jakaja pavinna być maja reakcyja? Ja što, pavinien z boku hladzieć?» - pastaviŭ pytańnie kiraŭnik dziaržavy.
«U nas jość prykłady niedaloka, kali ŭsie hladziać z boku i ničoha nie robiać. I vy viedajecie, jakaja reakcyja naroda», - dadaŭ Alaksandr Łukašenka.
Pra «papulizm»
Alaksandr Łukašenka adznačyŭ, što niekatoryja namiakajuć na vybary i kažuć pra toje, što pryniatyja rašeńni - heta papulizm. «Ja kali pračytaŭ, sam padumaŭ, a kali ŭ nas vybary prezidenckija … Akazvajecca, u nas u 2020-m hodzie tolki termin. Heta jašče paŭtermina. Jaki papulizm pad vybary? Heta kamuści chočacca, kab vybary byli zaŭtra ci paślazaŭtra. Ale ja ŭžo na hetaje pytańnie adkazvaŭ.
Vybary prezidenckija my praviadziem stroha pa kanstytucyi našaj krainy. U nas niama nijakaj nieabchodnaści siońnia ci zaŭtra nastupnych prezidenckich vybaraŭ i pad heta raźvivać niejki papulizm. Duraść niesuśvietnaja! « - padkreśliŭ Łukašenka.
Kamientary