«Deputat, jaki damahajecca. Psichapat. Karupcyjanier» — tak nazyvajecca rasśledavańnie rasijskaha apazicyjaniera Alaksieja Navalnaha, pryśviečanaje asobie Leanida Słuckaha, deputata ad partyi Žyrynoŭskaha.
Adrazu niekalki žurnalistak publična zajavili, što Słucki ich damahaŭsia. U pryvatnaści, karespandent BBC vykłała ŭ internet aŭdyjazapis, na jakim deputat nazyvaje jaje «zajčutkaj» i prapanuje stać kachankaj.
U adkaz śpikier Dziaržaŭnaj dumy Viačasłaŭ Vałodzin paraiŭ žurnalistkam mianiać pracu, kali ličać rabotu ŭ parłamiencie niebiaśpiečnaj.
Navalny źviarnuŭ uvahu, što Słuckamu i jaho žoncy naležać dva «Bentli» i «Majbach». Pry hetym deputatam pracuje ŭ Dumie ad 1999 hoda, adpaviedna, nie maje prava zajmacca biznesam z taho času i atrymlivaje tolki aficyjny zarobak.
Vyjaviłasia, što «Majbach», na jakim pierasoŭvajecca Słucki, ad červienia 2017 hoda «sabraŭ» 835 štrafaŭ — jeździŭ pa vydzielenaj aŭtobusnaj pałasie ŭ supraćlehłym nakirunku, pieravyšaŭ chutkaść bolš čym na 80 km/h…
U siarednim atrymlivajecca try parušeńni na dzień!
Ahułam deputat spłaciŭ amal $25 tysiač štrafaŭ.
Aproč taho, Navalny znajšoŭ u skandalnaha deputata niezadekłaravany hiektar ziamli na Rubloŭcy.
Apazicyjanier zaklikaje zvolnić Słuckaha ź Dziaržaŭnaj dumy za parušeńnie zakanadaŭstva ab supraćdziejańni karupcyi. Adpaviednuju zajavu jon adpraviŭ staršyni kantrolnaj kamisii Dumy.
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary