Kampanija Disney, jakoj ciapier naležać usie pravy na franšyzu «Zornyja vojny», pačała pabudovu parku zabaŭ na temu kiniematahrafičnaj sahi. Miarkujučy pa kanceptach, heta budzie padobna nie da Disneyland, a da Westworld — terytoryju, dzie ŭ naviedvalnikaŭ budzie efiekt poŭnaha pahružeńnia.
Pra novy park zabaŭ kampanii Disney, jaki pavinien adkrycca ŭ 2019 hodzie, piša Mashable. Nazva ŭžo prydumanaja, aryhinalnaj jaje nie nazavieš: Star Wars Land. A voś kancepcyja dla Disney novaja: nijakich hulniavych aŭtamataŭ, rostavych lalek i naohuł kłasičnych zabavak. Naviedvalniki pavinny patrapić u śviet «Zornych vojnaŭ» i adčuć siabie tak, byccam jany realna trapili ŭnutr filma. Voś nievialiki promarolik:
U parku ŭžo jość svoj błoh. Voś jak tam apisvajuć kancepcyju Star Wars Land: «Addalenaje pasielišča niekali było ažyŭlenym skryžavańniem subśvietłavych handlovych šlachoŭ, ale ciapier, kali stali dastupnyja padarožžy ŭ hipierprastoru, značeńnie jaho syšło na ništo. Ciapier jano stała domam dla tych, chto nie lubić lišniaj uvahi, kvitniejučaj havańniu dla kantrabandystaŭ, ašukancaŭ i šukalnikaŭ pryhod, jakija adpraŭlajucca ŭ daloki kosmas, nie naniesieny na karty. Da taho ž heta zručny prytułak dla tych, chto choča schavacca ad usiopranikalnaj uvahi Pieršaha Ordena».
Pa słovach stvaralnikaŭ, budučy park u Anachajmie, štat Kalifornija, zaklikany stvarać uražańnie realnaści. Kamiani ŭ im buduć kamianiami, dreva — drevam, a akciory, jakija vykonvajuć roli nasielnikaŭ Hałaktyki, buduć maksimalna realistyčnyja. Tut buduć rynak, pryvatnyja damy, zajeznyja dvary, karčmy, a dzie-niebudź u cichim miescy budzie pryparkavany i «Sokał tysiačahodździa», jaki pryvioŭ siudy Čubaka (piersanaž «Zornych vojnaŭ»). Mahčyma, niekamu pašancuje i jon pasiadzić za jaho šturvałam.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA21
Kamientary