U Breście dreva ŭpała na Lexus i 22-hadovaha kiroŭcu, jaki stajaŭ pobač
Pra heta paviedamili ŭ Ministerstvie pa nadzvyčajnych situacyjach Biełarusi.
Incydent adbyŭsia 8 listapada kala 17.00 u mikrarajonie Čyrvony Dvor. Małady čałaviek 1993 hoda naradžeńnia pryjechaŭ naviedvać svajho siabra vajskoŭca. Jon znachodziŭsia na aŭtamabilnaj stajancy, kali na jaho aŭtamabil «Leksus», što stajaŭ pobač, ŭpała tapola.
Paciarpieły z papiarednim dyjahnazam zakrytaja traŭma hrudnoj kletki, udary i ranki byŭ špitalizavany ŭ traŭmatałahičnaje adździaleńnie. Rabotniki MNS, jakija prybyli na miesca zdareńnia, raśpiłavali pavalenaje dreva.
Za minułyja sutki z-za paryvaŭ vietru da 20 m/s u 23 nasielenych punktach Hrodzienskaj vobłaści taksama byli zarehistravanyja adklučeńni enierhii. Elektrazabieśpiačeńnie spažyŭcam całkam adnoŭlenaje.
Kamientary