Pavodle pradstaŭnikoŭ niamieckaj darožnaj palicyi, jakija pracujuć na trasie A33, z padobnym incydentam jany sutyknulisia ŭpieršyniu. Abyšłosia bieź ciažkaj avaryi.
31‑hadovy biełarus jechaŭ na svaim hruzaviku ŭ bok horadu Bilefeld, što ŭ ziamli Paŭnočny Rejn‑Vestfalija. Na systematyčnyja papiaredžańni palicyjantaŭ adnosna taho, što jon pierabłytaŭ trasu, kiroŭca nijak nie reahavaŭ.
Mašyny, jakija išli nasustrač biełaruskamu aŭtamabilu, musili ŭsialak uchilacca. Čas ad času ŭchilaŭsia biełarus, potym jon staŭ vykarystoŭvać pałasu abhonu.
Narešcie niamieckija palicyjanty vymušany byli časova zablakavać ruch na aŭtabanie. Kiroŭca spyniŭsia tolki paśla taho, jak transpartnaja palicyja, jakaja jechała ŭ tym ža napramku, adnak na supraćlehłaj častcy darohi, pačała intensiŭna syhnalić i žestykulavać.
Jak vyśvietliłasia, kiroŭca byŭ pjany. Pry zatrymańni jon navat akazaŭ supraciŭ. Daśledavaŭšy hruzavik, palicyja znajšła śviežyja ślady avaryi. Usie akaličnaści buduć vyśviatlacca. Kiroŭcu čakaje sudovy praces.
Kamientary