Partyja «Spraviadlivy śviet» vyłučyła kandydatam u prezidenty Siarhieja Kalakina

Biełaruskaja partyja levych «Spraviadlivy śviet» budzie vyłučać kandydatam u prezidenty Biełarusi na vybarach 2015 hoda svajho staršyniu Siarhieja Kalakina. Takoje rašeńnie pryniataje 24 maja na XVIII spravazdačna-vybarnym ź`ieździe partyi, jaki prachodzić u Minsku.

Farmat udziełu ŭ vybarach, a taksama metazhodnaść vyłučeńnia svajho kandydata delehaty ź`iezda abmiarkoŭvali ŭ zakrytym režymie. Hałasavańnie pa pytańni ab vyłučeńni Kalakina kandydatam było pajmiennym. U padtrymku ŭdziełu svajho lidara ŭ prezidenckaj kampanii vykazalisia bolšaść delehataŭ ź`iezda — 105 čałaviek sa 160 prahałasavaŭšych. Suprać vykazalisia 39, 16 delehataŭ ustrymalisia.

U interv`iu žurnalistam Siarhiej Kalakin nazvaŭ vyniki hałasavańnia «vielmi adkaznym rašeńniem, jakoje budzie vyznačać dalejšy los partyi». «Zaraz nam treba dakazać, što my idziom na vybary nie prosta ad partyi, a dla taho, kab vykonvać volu tych, chto choča pieramien», — skazaŭ jon.

Jak raniej paviedamlałasia, u pieršy dzień pracy ź`iezda, 23 maja, Kalakin vystupiŭ z dakładam, u jakim prainfarmavaŭ pra rašeńnie centralnaha kamiteta partyi rekamiendavać delehatam pryniać rašeńnie ab poŭnamaštabnym udziele «Spraviadlivaha śvietu» ŭ vybarčaj kampanii 2015 hoda, uklučajučy vyłučeńnie staršyni partyi kandydatam u prezidenty.

Siarhiej Kalakin braŭ udzieł u prezidenckich vybarach u jakaści pretendenta na pasadu kiraŭnika dziaržavy ŭ 2001 hodzie, adnak jaho inicyjatyŭnaja hrupa nie nabrała nieabchodnuju dla rehistracyi kandydatam kolkaść podpisaŭ.

Čarhovyja prezidenckija vybary pavinny prajści ŭ Biełarusi nie paźniej za 20 listapada. Najbolej vierahodnaj dataj ich praviadzieńnia ŭ CVK nazvali 15 listapada.

Pra namier vyłučacca kandydatami ŭ prezidenty ŭžo zajavili staršyni Libieralna-demakratyčnaj partyi Siarhiej Hajdukievič i Ab`iadnanaj hramadzianskaj partyi Anatol Labiedźka, pieršy namieśnik staršyni hramadskaha ab`iadnańnia «Tavarystva biełaruskaj movy imia Franciška Skaryny» (TBM) Alena Anisim, a taksama aktyvistka kampanii «Havary praŭdu», člen Biełaruskaj sacyjał-demakratyčnaj partyi (Hramada) Taćciana Karatkievič.

• 0
• 0
• 0
• 0
• 0
• 0