Mienavita hety bort A320-211 raźbiŭsia, ździajśniajučy rejs z Barsiełony ŭ Dziusieldorf
Na poŭdni Francyi, u departamiencie Alpy Vierchniaha Pravansa, dniom 24 sakavika raźbiŭsia samalot A320, jaki lacieŭ rejsam Barsiełona — Dziuseldorf, z aeraporta El-Prat rejs 9525, niamieckaj avijakampanii Germanwings (filijał Lufthanzy).
Germanwings paviedamiła ŭ «Tvitary», što na borcie samalota było 150 čałaviek: 144 pasažyry i 6 členaŭ ekipaža.
Samalot źnik z ekranaŭ radaraŭ prykładna ŭ 11:00 (13:00 pa Minsku), jaho abłomki ŭžo znojdzieny pamiž haradkami Dziń-le-Ben i Barsiełaniet. Ministr unutranych spraŭ Biernar Kaźnioŭ vylecieŭ na miesca zdareńnia, paviedamiŭ premjer Manuel Vals, piša Le Monde.
Vals zaznačyŭ, što pryčyny avaryi nie viadomyja, ale, vidać, usie pasažyry i členy ekipažu zahinuli.
Svajaki zahinułych u aeraporcie El-Prat u Barsiełonie, leparisien
Prezident Fransua Aland zajaviŭ, što pryčyny avaryi treba jašče vyznačyć, ale, chutčej za ŭsio, usie 150 čałaviek zahinuli. «My pakul nie viedajem imionaŭ achviaraŭ, ale chutčej za ŭsio siarod achviaraŭ šmat niemcaŭ», — skazaŭ Aland.
Paźniej francuzskija ŭłady ŭdakładnili, što na borcie byli 42 ispancy. Kiraŭnik Katałonii Artura Mas źbirajecca vystupić sa zvarotam.
Kancler Hiermanii Anhieła Mierkiel skazała, što jana «ŭ šoku» paviedamiŭ pradstaŭnik kiraŭnika FRH.
Kancler, jakaja pahutaryła pa telefonie z prezidentam Francyi Fransua Alandam i premjer-ministr Ispanii Maryjana Rachojem, admianiła svaje «inšyja sustrečy».
«Šmat ispanskich achviaraŭ, niamieckich i tureckich», — skazaŭ karol Ispanii Fielipe na prystupkach Jelisiejskaha pałaca. Jon abviaściŭ pra «admienu» svajho dziaržaŭnaha vizitu ŭ Francyju, pieradaje leparisien.fr
«Pasolstva Biełarusi ŭ FRH praviaraje, ci byli hramadzianie Biełarusi siarod pasažyraŭ samalota», - paviedamlajecca ŭ aficyjnym dopisie biełaruskaha MZS u «Tvitery», — piša BiełaPAN.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj27
Kamientary