U Biełarusi nieabchodna pašyrać paŭnamoctvy advakataŭ, zajaviŭ staršynia Minskaj haradskoj kalehii advakataŭ Alaksiej Švakaŭ 3 krasavika napres-kanfierencyi ŭ stalicy.
«Na naš pohlad, mahčymaści advakataŭ pa akazańni jurydyčnaj dapamohi nie zusim adpaviadajuć duchu času. Navat na elemientarnyja zapyty advakataŭ niekatoryja dziaržaŭnyja orhany nie adkazvajuć, spasyłajučysia na zakonnyja padstavy», — adznačyŭ Švakaŭ.
«Što asabliva da kryminalnaha pracesu, to nie zaŭsiody mierkavańnie advakata moža być pačutaje i ŭličvajecca», — skazaŭ Švakaŭ.Miž inšym, padkreśliŭ jon, niedachop paŭnamoctvaŭ advakataŭ u Biełarusi adbivajecca najpierš na klijentach, mnohija ź jakich zvyčajnyja ludzi.
U svaju čarhu staršynia Respublikanskaj kalehii advakataŭ Viktar Čajčyc zajaviŭ: advakatam chaciełasia b mieć prava na pryznačeńnie ekśpiertyzaŭ. Ciapier jany atrymlivajuć takoje prava tolki ŭ vyklučnych vypadkach.
Čajčyc taksama vystupaje za toje, kab advakaty mieli prava atrymlivać aficyjnyja adkazy na ŭsie svaje zapyty. Adnak, dadaŭ jon, dla taho kab zabiaśpiečyć hetaje prava, nieabchodna ŭnieści źmieny ŭ vialikuju kolkaść zakonaŭ.
Akramia taho, ličyć Čajčyc, Respublikanskaj kalehii advakataŭ varta pieradać paŭnamoctvy Ministerstva justycyi pa vydačy licenzij advakatam. «My ličym, što my ź imi spravimsia i vyzvalim Ministerstva justycyi ad niejkaj dadatkovaj i nieŭłaścivaj jamu pracy», — skazaŭ jon.
Pavodle infarmacyi načalnika ŭpraŭleńnia advakatury i licenzavańnia jurydyčnaj dziejnaści Ministerstva justycyi Haliny Hryškaviec, u Biełarusi siońnia pracujuć 1 tysiača 763 advakaty, 162 jurydyčnyja kansultacyi, 100 advakataŭ, jakija ažyćciaŭlajuć indyvidualnuju dziejnaść, i 28 advakackich biuro.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary