Грамадства9494

Расійскі шавініст Авяр'янаў-Мінскі накінуўся на прэс-сакратара БПЦ, які выступаў на Дні Волі, — і атрымаў адлуп

На чарнасоценскім сайце «Тэлескоп» з'явіўся матэрыял, у якім аўтар абураецца ўдзелам прадстаўніка БПЦ Сяргея Лепіна ў святкаванні 100-годдзя абвяшчэння БНР.

У матэрыяле прыводзіцца прыватная перапіска Лепіна з Кірылам Авяр'янавым-Мінскім — гэта чалавек, якога некалі пазбавілі беларускага грамадзянства і забаранілі ўезд у краіну за антыбеларускую публіцыстыку.

Чарнасоценскі публіцыст Кірыл Авяр'янаў-Мінскі

Пачынаецца яна са звароту да пратаіерэя: «Патрыёты Белай Русі вамі незадаволеныя» (тут маецца на ўвазе чарнасоценская суполка «УКантакце» «Мы — патрыёты Белай Русі», якая шмат у чым складаецца з ботаў і расійскіх акаўнтаў — Рэд.). 

«Я імі таксама [незадаволены], гэта не патрыёты, гэта здраднікі — тыя ж самыя «змагары», толькі з іншага боку. Звычайныя рускія нацыкі. І, мяркуючы па тэксце, злыя і не вельмі разумныя, — адказвае Лепін. — Іх палітычнае адлюстраванне — «ліцвіны» — таксама не ўхваляе БНР. Я не здзіўлюся, калі гэта адны і тыя ж людзі за тыя ж грошы». 

Старшыня сінаідальнага інфармацыйнага аддзела БПЦ Сяргей Лепін

Далей Авяр'янаў-Мінскі спрабуе пахадзіць даўно бітым канём — кажа, што лозунг «Жыве Беларусь!» нацысцкі, бо яго выкарыстоўвалі калабаранты.

«Ну канечне! А лозунг «Слава Расіі» — гэта, пэўна, праява патрыятызму, так?», — кпіць з допісаў на старонцы правакатара Лепін. 

Далей Лепін акадэмічна, са спасылкамі на крыніцы, тлумачыць Авяр'янаву, што лозунг «Жыве Беларусь!» сфармуляваны задоўга да Айчыннай вайны, а сучасную расійскую сімволіку таксама выкарыстоўвалі калабаранты. 

«Яны яшчэ і трусы насілі, дык што нам, без трусоў цяпер хадзіць?», — працягвае куражыцца Лепін. 

Далей, відаць, Сяргей Лепін узяў ды «прагугліў» асобу чалавека, які яму піша. Пад уражаннем ад убачанага святар піша правакатару:

«Упс. Мае калегі кажуць, што Вы — аўтар забароненага ў Расіі і Беларусі рускага нацысцкага сайта «Спутнік і Погром»? Што вы не прызнаеце існаванне беларускага народу, мовы, не прызнаеце беларускі суверэнітэт, і нават пагражаеце з'яўленнем аналагаў «ДНР» на ўсходзе Беларусі? Ці не самі Вы — аўтар гэтай бязмозгласці і тупасці, якая друкуецца ва ўказанай вамі суполцы?», — на гэтым выкладзеная перапіска сканчаецца. 

Як сказаў Сяргей Лепін «Нашай Ніве», ніякага дазволу на публікацыю перапіскі ён не даваў, а ягоныя ўражанні ад кантакту з гэтым чалавекам «вельмі непрыемныя». 

Каментары94

У РТБД пасля затрымання акцёраў адмяняюць самыя касавыя спектаклі2

У РТБД пасля затрымання акцёраў адмяняюць самыя касавыя спектаклі

Усе навіны →
Усе навіны

«Цяперашняя сітуацыя ў Беларусі ні ў якое параўнанне не ідзе з Польшчай у 1980-х» — віцэ-спікер Сената Польшчы19

Расійскую спявачку Манетачку аб'явілі ў вышук2

Ці зніжаюць сталы для працы стоячы рызыкі інсульту?1

Беларускія вайскоўцы паляцелі трэніравацца ў Расію4

Заходнія чыноўнікі адказалі, што будзе з Беларуссю ў выпадку заключэння міру паміж Украінай і Расіяй19

«Чудзянцоў прагне вырашыць пытанне з Nexta»4

Бібліятэка «Флібуста» працягне працу

«У мяне няма кім яго замяніць». Якія цяпер настроі ў кіраўнікоў сярэдняга звяна?14

Кіраўніка ХАМАС забілі стрэлам у галаву1

больш чытаных навін
больш лайканых навін

У РТБД пасля затрымання акцёраў адмяняюць самыя касавыя спектаклі2

У РТБД пасля затрымання акцёраў адмяняюць самыя касавыя спектаклі

Галоўнае
Усе навіны →