Аукцыён рэчаў ХІХ ст., вогненнае шоў і шляхецкі баль адбудуцца ў ноч з 8-га на 9-ае чэрвеня ў музеі-сядзібе Швыкоўскіх у Пружанах.

У гэтым годзе да міжнароднай акцыі «Ноч музеяў» далучаецца музей-сядзіба «Пружанскі палацык». Святочныя мерапрыемствы пад назвай «Палацык» сустракае Крашэўскага» будут ладзіцца 8 чэрвеня і прымеркаваны таксама да 200-годдзя з дня нараджэння вядомага земляка Юзафа Ігнацы Крашэўскага.

Праграма свята дазволіць акунуцца ў атмасферу ХІХ стагоддзя.

У музеі адначасова будуць працаваць тры пляцоўкі:

музычна-харэаграфічны салон, дзе можна будзе паўдзельнічаць у шляхецкім балі, пачуць класічную музыку і рамансы;

зала Крашэўскага, якая дазволіць убачыць тэатралізаваную экскурсію;

зала «Аттракционъ» дзе будзе ладзіцца аукцыён з лотамі пазамінулага стагоддзя, пясочным прадстаўленнем і праглядам урыўкаў фільма «Калі Сонца было богам.

Старое паданне» (Польшча, рэж. Е.Гофман) па матывах твора Ю.І.Крашэўскага. Арамя таго будуць адчынены ўсе экспазіцыйныя і выставачныя залы музея, працаваць народныя майстры, сувенірная лаўка, арганізавана фотасесія ў старадаўнім інтэр’еры, прадстаўлены шляхецкія касцюмы, выступяць вядомыя пружанскія калектывы, праведзена вогненае шоу.

Музей-сядзіба «Пружанскі палацык» запрашае ўсіх жадаючых прыйсці на свята «Палацык» сустракае Крашэўскага», якое адбудзецца 8 чэрвеня, з 21.30 да 00.00 гадзін. Уваход толькі ў вячэрніх уборах па запрашальных білетах.
Кошт білета 15 тыс. рублёў, яго можна набыць у касе музея да 8 чэрвеня.

Колькасць білетаў абмежавана.

Крыніца: http://pruzhany.net/1773-muzej-syadziba-pruzhanski-palacyk-zaprashae-na-svyata.html

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?