29 мая пракуратура Гомельскай вобласці вынесла афіцыйнае папярэджанне аб недапушчальнасці парушэння заканадаўства журналістцы, якая супрацоўнічае з шэрагам недзяржаўных СМІ, Ларысе Шчыраковай.
Яе папярэдзілі аб недапушчальнасці супрацоўніцтва з тэлеканалам «Белсат» -- замежным сродкам масавай інфармацыі, якое працуе ў Беларусі без акрэдытацыі.
Праверку пракуратура праводзіла па факце заяў двух жыхароў вёскі Якімава Слабада Светлагорскага раёна, якія прасілі прыцягнуць журналістку да адказнасці.
"Жыхары вёскі Якімава Слабада праводзілі сход, на якім выказваліся супраць будаўніцтва завода беленай цэлюлозы Я была на гэтым сходзе, здымала матэрыял, пыталася мясцовых -- ці ёсць людзі, якія падтрымліваюць будаўніцтва завода Але такіх не знайшлося У пракуратуры мне паказалі заяву мясцовых жыхароў пра тое, што я "падманным шляхам" здымала сход,няправільна і несумленна паказала яго, яны такога не казалі, што я прадстаўлялася журналісткай дзяржаўнага СМІ, чаго не было, вядома. І жыхары, калі верыць заяве, абразіліся, калі ўбачылі матэрыял на апазіцыйным СМІ», -- пракаментавала Шчыракова.
Яна адзначыла, што зняты ў Якімавай Слабадзе матэрыял размясціла на YouTube, а затым яго выкарыстоўвалі розныя СМІ,у тым ліку і «Белсат».
"Мне ў пракуратуры даказваюць, што я не маю права здымаць матэрыялы, бо не з'яўляюся журналістам. Гэта смешна.Канстытуцыя гарантуе права на збор і распаўсюд інфармацыі, я рэалізую гэтае права, а закон не дае гэта легальна рабіць.
У законе аб СМІ гаворыцца , што журналіст -- гэта той, хто з'яўляецца супрацоўнікам зарэгістраванага СМІ, і ўсё. Гэта значыць, няма паняцця "фрылансер", і гэтыя прабелы ў законе і выкарыстоўваюцца, каб пераследваць незалежных журналістаў, якія здымаюць аб'ектыўную інфармацыю, нязручную для ўладаў",-- лічыць журналістка.
Каментары