У суботу 26 мая а 19.00 на Кракоўскім Прадмесці каля помніка Мікалаю Каперніку беларусы Варшавы правялі акцыю-перфоманс на тэму сённяшняй сітуацыі ў Беларусі.
Людзі з завязанымі вачыма, ротам і рукамі са схіленай галавой проста стаялі і нічога не рaбiлі. На іх шыях віселі таблічкі з надпісамі “нічога не бачу”, “нічога не чую”, “нічога не раблю” - гэта паказвала тое, што цяпер адбываецца ў Беларусі. У пэўны момант пачынала граць музыка (Вінсэнт , кампазыцыя “Веру”), і першы чалавек прачынаецца, падымае галаву, вызваляе рукі, здымае павязкі з твару, аглядаецца і ўзнімае таблічку з надпісам “Расплюшчыце вочы”.
Праз якісьці час такім жа чынам прачынаецца наступны чалавек і ўзнімае таблічку з надпісам “пачніце думаць”, потым – “пачніце змагацца”, і так паступова прачынаюцца ўсе, і кожны падымае таблічку з актуальнымі для Беларусі заклікамі ці бел-чырвона-белы сцяг.
У канцы ўсе стаяць з расплюшчанымі вачыма і дэманструюць сваю пазіцыю, што паказвае, як сітуацыя можа змяніцца ў будучыні.
Двайнікі вядомых беларусаў. І не кажыце, што не задумваліся пра іх падабенства8
Каментары