Інтэрнэт-тролю пагражаюць пракуратурай за абразлівыя каментары пра беларускую мову
Адзін з чытачоў блога Гродно s13 убачыў у каментарах прыкметы распальвання міжнацыянальнай варожасці.
Адзін з наведнікаў папулярнага блога Гродно s13 паабяцаў звярнуцца ў пракуратуру, калі іншы чытач сайта не перастане пакідаць абразлівыя каментары.
Наведнік jendrus цытуе артыкул №130 «Распальванне расавай, нацыянальнай або рэлігійнай варожасці ці розні» Крымінальнага кодэксу і прыводзіць прыклады абразлівых каментароў, якія пакінуў карыстальнік пад нікам Krauche.
Часцей за ўсё падобныя каментары ён пакідае пад артыкуламі пра беларускую мову і культуру, ці проста пад беларускамоўнымі тэкстамі.
«Калі дадзены карыстальнік будзе працягваць у тым жа духу — я не палянуюся, звярнуся з заявай у пракуратуру. Галасы ў падтрымку можаце пакідаць у каментарах», — паабяцаў jendrus.
Каментары