Заснавальнік кампаніі «Яндэкс» Аркадзь Волаж расказаў агенцтву Bloomberg, што ўпершыню наняў ахову пасля таго, як прэзідэнт Расіі Уладзімір Пуцін у верасні 2023 года пажадаў яму здароўя. Па словах Волажа, ён адчуў дыскамфорт пасля гэтага выказвання, але «імкнецца не думаць пра гэта».
Бізнэсмен прызнаўся, што не ўяўляе сабе вяртання ў Расію.
«Гэта мяне бянтэжыць. Я думаў, што туга па доме будзе значна мацнейшай. Цяпер я нават не чытаю навіны. Я не адчуваю… Не ведаю, гэта больш не маё», — сказаў ён.
Продаж расійскага бізнэсу «Яндэкса» Волаж параўнаў з зыходам габрэяў з Егіпта. Ён, праўда, адзначыў, што «не ўсё страціў». «Нам дазволілі пайсці з некаторай маёмасцю», — дадаў ён.
Па словах бізнэсмена, пасля продажу расійскіх актываў ён выдаліў усе дадаткі «Яндэкса» з тэлефона.
Аркадзь Волаж у 2014 годзе пераехаў у Ізраіль. У жніўні 2023 года ён выступіў «катэгарычна супраць» вайны ва Украіне ― праз паўтара года пасля пачатку баявых дзеянняў. Тады бізнэсмен адзначыў, што для ягонага маўчання «было шмат прычын».
У размове з Bloomberg Волаж патлумачыў сваё тагачаснае прамаруджванне неабходнасцю перасяліць каля 1 тысячы супрацоўнікаў «Яндэкса», якія захацелі выехаць з Расіі.
Каментуючы словы Волажа пра вайну, Пуцін выказаў здагадку, што заснавальнік «Яндэкса» быў «вымушаны рабіць пэўныя заявы», каб жыць у Ізраілі «на добрым узроўні і мець добрыя стасункі з уладамі». «Ну, дай Бог яму здароўя, хай яму там добра жывецца», — сказаў Пуцін. Ён назваў Волажа таленавітым чалавекам, які стварыў «сапраўды добрую кампанію».
Bloomberg адзначае, што Пуцін таксама называў таленавітым чалавекам бізнэсмена Яўгена Прыгожына пасля ягонай гібелі ў жніўні 2023 года.
У чэрвені 2022 года Еўрасаюз увёў супраць Волажа санкцыі, заявіўшы, што бізнэсмен, як кіраўнік «Яндэкса», фінансава падтрымлівае ўрад Расіі, а таксама «нясе адказнасць за падтрымку дзеянняў або палітыкі, якія пагражаюць тэрытарыяльнай цэласнасці, суверэнітэту і незалежнасці Украіны». Пасля гэтага Волаж пакінуў усе пасты ў «Яндэксе».
У лютым 2024 года мацярынская кампанія «Яндэкса» ― нідэрландская Yandex N. V. ― прадала расійскі бізнэс кансорцыуму прыватных інвестараў і менеджараў, пасля чаго стала называцца Nebius. Волаж узначаліў новую структуру. У сакавіку ЕС зняў санкцыі з бізнэсмена.
Заснавальнік Яндэкса даў першае інтэрв’ю пасля ўцёкаў з Расіі. Прызнаў свае памылкі
«Я рады за Аркадзя, лепш позна, чым ніколі». Цінькоў пракаментаваў заяву Аркадзя Волажа, які асудзіў вайну ва Украіне
«Я ў жаху ад таго, што кожны дзень у дамы ўкраінцаў ляцяць бомбы». Заснавальнік «Яндэкса» Аркадзь Волаж адкрыта выступіў супраць вайны ва Украіне
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»33
Каментары