Француза асудзілі ў Расіі да 3 гадоў калоніі. Калісьці ён даваў інтэрв'ю «Нашай Ніве» і сустракаўся з Васкрасенскім
Замаскварэцкі суд Масквы вынес прысуд грамадзяніну Францыі Ларану Вінацье па справе аб зборы звестак у галіне вайскова-тэхнічнай дзейнасці Расіі без рэгістрацыі «замежнага агента» (частка 3 артыкула 330.1 КК РФ). Яго асудзілі да трох гадоў калоніі.
У сваёй прамове перад вынясеннем прысуду Вінацье, гаворачы па-руску, пацвердзіў, што прызнае віну, і папрасіў суддзю аб памілаванні, піша Associated Press.
Францыя раней заявіла, што Вінацье быў «адвольна затрыманы» расійскімі ўладамі, і запатрабавала яго неадкладнага вызвалення.
Вінацье — супрацоўнік Цэнтра гуманітарнага дыялогу, швейцарскай арганізацыі па пасрэдніцтве ў канфліктах. Яго супрацоўнікі працуюць у розных краінах свету і «рэгулярна сустракаюцца з шырокім колам афіцыйных асоб і экспертаў з мэтай прасоўвання намаганняў па прадухіленні, змякчэнні і ўрэгуляванні ўзброеных канфліктаў».
Дарэчы, пра кантакты з гэтым французам больш за тры гады таму, у пачатку лютага 2021 года паведамляў Юрый Васкрасенскі. Паводле паста ў ягоным блогу, ён нібыта «правёў перамовы з дарадцам цэнтра гуманітарнага дыялогу Ларанам Вінацье». Пра што была тая размова, падрабязней не паведамлялася.
У 2015 годзе Ларан Вінацье як журналіст наведваў рэдакцыю «Нашай Нівы» і нават даў нам эксклюзіўнае інтэрв'ю пра незаезджаныя месцы адпачынку ў Францыі, дзе можна спазнаць сапраўдную cuisine francaise.
Незаезджаныя месцы адпачынку ў Францыі, дзе можна спазнаць сапраўдную cuisine francaise — расказвае француз
Васкрасенскі: Трэба, каб Сікорскі прывёз падарунак Лукашэнку. А Бяляцкі і 20 завадатараў выйдуць апошнімі
Васкрасенскі патлумачыў, што Лукашэнка хоча ў абмен на палітвязняў. І пахваліў Усава, Балкунца і Гарбунову
Каментары