Адзін чалавек загінуў і яшчэ двое апынуліся ў бальніцы ў выніку ДТЗ у Віцебску, паведамілі ва ўпраўленні ДАІ Віцебскага аблвыканкама.
Аварыя са смяротным вынікам адбылася ў панядзелак, 14 кастрычніка, у 15:50 на Маскоўскім праспекце абласнога цэнтра.
«Паводле папярэдняй інфармацыі, 61-гадовы кіроўца Lada Vesta, рухаючыся ў напрамку вуліцы Церашковай, не справіўся з кіраваннем, выехаў на правы па ходзе руху тратуар, дзе ўчыніў наезд на светлавую апору», — паведамілі ў ДАІ.
Таксама там удакладнілі, што кіроўца і 30-гадовая пасажырка атрымалі траўмы і былі дастаўлены ў бальніцу для аказання дапамогі, а 60-гадовая пасажырка памерла.
Каментары