З-за недахопу работнікаў на Беларускай чыгунцы здараюцца зрывы графіку грузавых цягнікоў.
Супольнасць чыгуначнікаў Беларусі адзначае, што чыгунка адчувае кадравы голад, асабліва ў службах перавозак і забеспячэння бяспекі руху. Да такога становішча прывяло паляванне на ведзьмаў пасля 2020 года і палітыка аптымізацыі, накіраваная на паляпшэнне фінансавага становішча ва ўмовах скарачэння перавозак.
Згодна з унутранымі дакументамі, на чыгунцы расце колькасць выпадкаў зрыву графіку грузавых цягнікоў з-за неўкамплектаванасці лакаматыўных брыгад.
На пачатак ліпеня 2024 года ў лакаматыўнай гаспадарцы штат па прафесіі машыністаў лакаматыва быў укамплектаваны на 90,7% (306 вакансій), памочнікаў машыніста лакаматыва — 82,7% (393 вакансіі).
А каб выканаць цяперашні аб'ем работы, патрэбна нават болей дадатковых работнікаў, чым адкрыта вакансій — 724.
Недахоп кадраў імкнуцца кампенсаваць дадатковымі зменамі. За шэсць месцаў гэтага года аб'ём звышурочнай работы лакаматыўных брыгад павялічыўся на траціну (31,2%) у параўнанні з аналагічным перыядам мінулага года.
Для рашэння сітуацыі з недахопам кадраў кіраўніцтва Беларускай чыгункі прапануе скараціць тэрміны падрыхтоўкі ці перападрыхтоўкі па прафесіях слесара па рамонце рухомага саставу, машыністаў і іх памочнікаў, скараціць неабходны стаж для пераводу на іншую работу, пашырыць маштабы абслугоўвання цягнікоў машыністамі без памочнікаў.
А таксама прапануюць прыцягнуць жанчын да работы ў лакаматыўных дэпо ў якасці памочнікаў машыністаў і машыністаў.
Супольнасць чыгуначнікаў адзначае, што з Правіл тэхнічнай эксплуатацыі яшчэ раней была прыбрана забарона на допуск жанчын да навучання і наступнай работы ў якасці члена лакаматыўнай брыгады. Але на практыцы для гэтага пакуль не створаны вытворчыя і бытавыя ўмовы.
Як выглядае 46-гадовы юрыст Юрась Зянковіч праз тры з паловай гады зняволення ў беларускай турме6
Каментары