«Белпол» спасылаецца на «надзейныя крыніцы ўнутры Беларусі».
Паводле інфармацыі «Белпол», лукашэнкаўцы прынялі рашэнне правесці прэзідэнцкія выбары 23 лютага 2025 года.
Падрабязныя планы «выбарчай кампаніі» ўжо распрацаваныя, у пачатку жніўня 2024 года ва ўсіх аблвыканкамах Беларусі прайшла іх «абарона, прычым мерапрыемствы былі зашыфраваныя пад падрыхтоўку да новага навучальнага года», — пішуць былыя сілавікі.
Паводле Цэнтрвыбаркама, прэзідэнцкія выбары павінны прайсці да 20 ліпеня 2025 года.
23 лютага — апошняя нядзеля зімы. Парламенцкія і мясцовыя выбары цяпер адбываюцца ў Беларусі менавіта ў гэты дзень. Чаму абралі менавіта канец зімы?
Адна з магчымых матывацый улады ў тым, што ўзімку складаней арганізоўваць пратэсты. А зборшчыкі подпісаў (хоць за кандыдата ў дэпутаты, хоць за кандыдата ў прэзідэнты) будуць вымушаныя хадзіць па кватэрах фактычна ў навагоднія святы, што дадаткова ўскладняе іх працу.
Прапагандыстка БелТА пахвалілася навагоднім адпачынкам у Парыжы ШМАТ ФОТА6
Каментары