Украінскія пілоты F-16 атрымалі нашлемныя прыцэлы, якія дазваляюць страляць позіркам. Як гэта працуе?
Чым яны адметныя і як працуюць?
Нашлемныя прыцэлы JHMCS (Joint Helmet Mounted Cueing System) з'яўляюцца амерыканскай распрацоўкай, якая знаходзіцца ў эксплуатацыі з 2003 года. Яе стварэнне было абумоўлена прыняццем на ўзбраенне ў 2002 годзе мадыфікаваных ракет малой дальнасці класа «паветра-паветра» AIM-9X.
Гэтая шматфункцыянальная сістэма не толькі значна павышае інфармаванасць пілота аб наземных і паветраных цэлях, але і забяспечвае кіраванне сістэмамі навядзення і датчыкамі самалёта на адлегласці. Яна замяняе індыкатар на лабавым шкле і дазваляе пілоту страляць туды, куды накіраваны яго погляд.
Сістэма мае магнітны нашлемны трэкер, які вызначае, куды накіраваная галава пілота. Інфармацыя аб цэлі двума светадыёдамі адлюстроўваецца на візары — ахоўнай панэлі-дысплеі, якая з'яўляецца часткай шлему.
Пілоту дастаткова павярнуць галаву і злавіць цэль у сетку прыцэлу на дысплеі без выкарыстання органаў ручнога кіравання і без змены напрамку палёту. Гэта дазваляе атрымаць перавагу ў баі, здзейсніўшы стрэл першым.
Інтэграваная ў шлем камера запісвае даныя аб палёце і навядзенні, што карысна для аналізу пасля палёту.
Тут такое дело, украинские пилоты получили к F-16 еще и прицелы JHMCS, это когда пилот видит все приборы на стекле своего шлема и может стрелять туда, куда он смотрит. У российский пилотов пока ничего подобного и близко нет. pic.twitter.com/7iZgocnsVt
Сістэма можа выводзіць інфармацыю як у дзённым, так і начным рэжымах. Лёгкі шлем вызначаецца палепшанай вагавай балансіроўкай, што дазваляе зменшыць стомленасць пілотаў, асабліва ў час працяглых палётаў.
Паведамляецца, што нашлемныя прыцэлы JHMCS атрымалі ўкраінскія пілоты F-16. Расія падобных сістэм не мае.
Каментары