Беларускамоўная ябацька паскардзілася, што прапаганда штурхае беларускамоўных прыхільнікаў Лукашэнкі да экстрэмістаў
Беларускамоўная блогерка Зоя Серада, прыхільніца рэжыму Лукашэнкі, пажалілася ў тэлеграм-канале, што беларускамоўным ябацькам няма куды падзецца, акрамя як ісці да экстрэмістаў — дзяржаўная прапаганда не дае ім ані падтрымкі, ані альтэрнатывы.
«На мой погляд, калі ў нас дзве дзяржаўныя мовы, то прапагандзе лагічна было б будаваць сваю рыторыку менавіта на тэме двухмоўя. Па факце, абсалютная большасць грамадзян у нас не рускамоўныя або беларускамоўныя, а менавіта білінгвы.
Вось і трымацца трэба гэтай зʼявы, і падтрымліваць упэўненасць, што нас нельга падзяліць па моўнай прыкмеце, бо гэта як раздзяліць дзіця паміж маткай і бацькам напалам.
Можна ж перадачы здымаць, дзе вядуцца размовы на дзвюх мовах, можна рэсурсы весці на дзвюх мовах, тлумачыць людзям, што беларусы павінны ў аднолькавай меры не толькі разумець, але і гаварыць на абедзвюх дзяржаўных мовах, гэта правільна і нармальна будзе», — лічыць Зоя Серада.
Але што бачаць беларускамоўныя прыхільнікі Лукашэнкі?
«Галоўны прапагандыст з тэлевізара называе беларускую мову змагарскай, журналіст піша пост пра тое, што яму патрэбна толькі рускамоўная аўдыторыя, у раённых газетах усё менш і менш беларускай мовы, яна знікае і з беларускамоўных каналаў паціху…
Ну і чаго вы тады абураецеся, што людзі экстрэмістаў і іншагентаў слухаюць? А альтэрнатыва ёсць? Я вось канал вяду і паверце, пошук беларускамоўнага кантэнту амаль заўсёды туды і вядзе, да экстрэмістаў.
І хто вінаваты?» — задаецца пытаннем Серада.
Лукашэнка пра флэшмоб «Надо!»: Эйсмант клялася, што не яна арганізавала, я ёй веру1
Каментары
Дажыліся.
У районных и областных белорусскоязычных газет (особенно на западе), которые перешли на русский, продолжают падать тиражи, из-за чего они стали убыточны.