Biełaruskamoŭnaja jabaćka paskardziłasia, što prapahanda šturchaje biełaruskamoŭnych prychilnikaŭ Łukašenki da ekstremistaŭ
Biełaruskamoŭnaja błohierka Zoja Sierada, prychilnica režymu Łukašenki, pažaliłasia ŭ telehram-kanale, što biełaruskamoŭnym jabaćkam niama kudy padziecca, akramia jak iści da ekstremistaŭ — dziaržaŭnaja prapahanda nie daje im ani padtrymki, ani alternatyvy.
«Na moj pohlad, kali ŭ nas dźvie dziaržaŭnyja movy, to prapahandzie łahična było b budavać svaju rytoryku mienavita na temie dvuchmoŭja. Pa fakcie, absalutnaja bolšaść hramadzian u nas nie ruskamoŭnyja abo biełaruskamoŭnyja, a mienavita bilinhvy.
Voś i trymacca treba hetaj zjavy, i padtrymlivać upeŭnienaść, što nas nielha padzialić pa moŭnaj prykmiecie, bo heta jak raździalić dzicia pamiž matkaj i baćkam napałam.
Možna ž pieradačy zdymać, dzie viaducca razmovy na dźviuch movach, možna resursy vieści na dźviuch movach, tłumačyć ludziam, što biełarusy pavinny ŭ adnolkavaj miery nie tolki razumieć, ale i havaryć na abiedźviuch dziaržaŭnych movach, heta pravilna i narmalna budzie», — ličyć Zoja Sierada.
Ale što bačać biełaruskamoŭnyja prychilniki Łukašenki?
«Hałoŭny prapahandyst z televizara nazyvaje biełaruskuju movu zmaharskaj, žurnalist piša post pra toje, što jamu patrebna tolki ruskamoŭnaja aŭdytoryja, u rajonnych hazietach usio mienš i mienš biełaruskaj movy, jana źnikaje i ź biełaruskamoŭnych kanałaŭ pacichu…
Nu i čaho vy tady aburajeciesia, što ludzi ekstremistaŭ i inšahientaŭ słuchajuć? A alternatyva jość? Ja voś kanał viadu i paviercie, pošuk biełaruskamoŭnaha kantentu amal zaŭsiody tudy i viadzie, da ekstremistaŭ.
I chto vinavaty?» — zadajecca pytańniem Sierada.
U teatry imia Dunina-Marcinkieviča nie zastałosia biełaruskich tvoraŭ
Milinkievič pra svaje dyjałohi z Makiejem: Jon adnaznačna byŭ za niezaležnaść i biełaruskaść
«Nikoli nie razumieła, dzie zakančvajecca ŭkrainskaja mova i pačynajecca biełaruskaja». Žurnalistka raskazała pra svoj šlach da biełaruskaści
Kamientary
Dažylisia.
U rajonnych i obłastnych biełorusskojazyčnych haziet (osobienno na zapadie), kotoryje pieriešli na russkij, prodołžajut padať tiraži, iz-za čieho oni stali ubytočny.