Без электразабеспячэння засталіся 62 населеныя пункты Гомельскай вобласці
28 ліпеня без электразабеспячэння засталіся 62 населеныя пункты Гомельскай вобласці, паведамляе прэс-служба аблвыканкама. Больш за ўсё пашкоджанняў зафіксавана ў Петрыкаўскім, Мазырскім, Рэчыцкім і Светлагорскім раёнах.
Адзначаецца, што падача электрычнасці аператыўна аднаўляецца. У рэгіёне цяпер працуюць 74 аварыйныя брыгады, у іх распараджэнні — 101 адзінка спецыялізаванай тэхнікі.
Спецыялісты заклікаюць жыхароў быць асцярожнымі і не набліжацца да абарваных правадоў ЛЭП бліжэй за 8 метраў.
Электразабеспячэнне было парушана моцнымі парывамі ветру, якія дасягаюць 27 м/с.
Каментары