Краязнавец і даследчык з Бярозы Сяргей Кнырэвіч, які працяглы час жыве ў Чэхіі, падзяліўся архіўнай знаходкай у суполцы «Францыск Скарына і 500-годдзе беларускага кнігадрукавання», піша Bellit.info.
«Сёння ў Празе ўдалося знайсці 14 двухаркушавых (4-старонкавых) фрагментаў пражскай кнігі Быцця (Францыска Скарыны — Bellit.info). Гаворка ідзе пра 5-ы сшытак (аркушы ЛЕ, ЛS, ЛЗ, ЛИ), то бок гэта поўны друкаваны аркуш. Паўсшытак складаецца з двух несфальцаваных двухаркушаў (ЛЕ-ЛЕадв-ЛИ-ЛИадв і ЛS-ЛSадв-ЛЗадв-ЛЗ). Абодва двухаркушы ў сямі экзэмплярах. Аркушы знойдзеныя ў вокладцы невядомай кнігі», — піша даследчык і дадае, што гэтыя фрагменты не былі дагэтуль апісаныя ў скарыназнаўчай літаратуры.
Цяпер Сяргей Кнырэвіч плануе заняцца пошукам кнігі, у якой знайшлі гэтыя фрагменты, а таксама ўладальніка гэтай кнігі ці майстра, які рабіў вокладку для яе.
-
У сталічнай школе зафарбавалі размалёўкі на нацыянальную тэматыку. Не стала Купалы, Скарыны і Гусоўскага
-
У сацсетках усплыла карціна Бялыніцкага-Бірулі. Не ўсе вераць, што акадэмік мог маляваць так
-
«З задавальненнем сыграла б Калеснікаву». Святлана Зелянкоўская — пра новыя ролі, Міхалка і тое, як заваблівалі вярнуцца ў Беларусь
У чатах Калінкавічаў распаўсюджваецца ВІДЭА, якое зафіксавала падзенне беспілотніка1
Каментары
Балгарскія словы лёгка вызначыць, яны не поўнагалосныя (літарак бракуе): Ст(о)раж, в(о)раг, в(о)рота, х(о)ладнокровный, прох(о)ладно, п(е)ред ды іншыя.