Грамадства2525

У Кіеве заявілі пра стварэнне беларускага грамадскага руху «Каліноўцы». У кіраўніцтве вядомыя асобы

24 ліпеня ў Кіеве афіцыйна аб'явілі пра стварэнне грамадскага руху «Каліноўцы». У брыфінгу, прысвечаным гэтай падзеі, узялі ўдзел намеснік камандзіра Палка Каліноўскага Вадзім Кабанчук, экс-камандзір гэтага падраздзялення Дзяніс Прохараў, палітычны прадстаўнік ПКК Дзмітрый Шчыгельскі і кіраўнік праекта «Беларускі дрон» Ігар Турцэвіч, піша Reform.news.

Скрыншот з відэа

У якасці галоўнай місіі новага руху падаецца «супрацьстаянне расійскай агрэсіі і вызваленне Беларусі ад калабарацыянісцкага рэжыму Лукашэнкі».

Тактычнай мэтай названа ўзмацненне тэхнічнага і мабілізацыйнага забеспячэння ПКК за кошт магчымасцяў беларусаў. Як тых, хто застаецца сёння ў краіне, так і тых, хто вымушаны быў пакінуць радзіму.

Рашэнне аб стварэнні руху, паводле Вадзіма Кабанчука, было прынята на апошніх палкавых зборах. Ён акрэсліў полк Каліноўскага як «вайскова-грамадскі праект, які ўключае ў сябе дзейных вайскоўцаў, тых, хто ўжо прайшоў службу і цяпер знаходзіцца ў актыўным рэзерве ў Еўропе і ва Украіне, а таксама тых, хто садзейнічае і дапамагае ўдзелу падраздзялення ў эфектыўным вядзенні баявых дзеянняў».

Заснавальнікі руху бачаць неабходнасць «кансалідацыі ўсіх беларускіх нацыянальна-вызваленчых сіл вакол беларускіх добраахвотнікаў, ПКК і руху «Каліноўцы».

Сярод бягучых задач новага руху Дзяніс Прохараў адзначыў рэалізацыю праектаў па тэхнічным забеспячэнні ПКК сучаснымі відамі ўзбраенняў, прывёўшы ў прыклад праект «Беларускі дрон». Таксама ён мусіць рупіцца пра стварэнне ўмоў і каардынацыю падрыхтоўкі беларусаў, якія могуць стаць патэнцыйным мабілізацыйным рэсурсам ПКК, арганізацыю рэабілітацыі і падтрымкі ветэранаў палка ў краінах Еўропы.

Акрамя таго, у прыярытэтах «Каліноўцаў» — каардынацыя працы з беларускімі дэмакратычнымі сіламі: Каардынацыйнай радай, Аб'яднаным пераходным кабінетам і Офісам Святланы Ціханоўскай.

Падчас брыфінгу Прохараў заклікаў дэмакратычныя сілы вярнуцца да стварэння каардынацыйнага органа беларускага нацыянальна-вызвольнага руху ў рамках рэалізацыі рашэнняў канферэнцыі «Шлях да волі», якая адбылася ў Кіеве ў лістападзе 2023 года.

Дзмітрый Шчыгельскі падкрэсліў, што «Каліноўцы», маўляў, нацэленыя не на канфрантацыю, а на «прадуктыўнае супрацоўніцтва з усімі інстытуцыянальнымі структурамі»

Вадзім Кабанчук адхіліў версію пра тое, што стварэнне руху «Каліноўцы» звязанае з канфліктамі, якія адбываюцца ў ПКК апошнім часам.

З ягоных слоў, «і ў прынцыпе як такога канфлікту ў нас няма». Усе байцы «знаходзяцца ў зоне баявой адказнасці і нясуць службу», «падпарадкоўваюцца ўкраінскай вайсковай іерархіі, вертыкалі і выконваюць загады ўкраінскага камандавання».

Адказваючы на пытанне пра камандзіра ПКК, Кабанчук сказаў, што «на гэты момант палком кіруе выканаўца абавязкаў камандзіра Павел Шурмей».

Каментары25

  • Бел Пол ###
    24.07.2024
    Я ня дам перавысіць колькасьць мяне нейкім там каліноўцам!
  • Не дам ні цэнта
    24.07.2024
    Хлопцы, не смяшыце людзей
  • .
    24.07.2024
    "У якасці галоўнай місіі новага руху падаецца «супрацьстаянне расійскай агрэсіі і вызваленне Беларусі ад калабарацыянісцкага рэжыму Лукашэнкі»"

    Как там Остап говорил Балаганову... "Сын лейтенанта Шмидта! Ну, год еще, ну, два. А дальше что? Дальше ваши рыжие кудри примелькаются, и вас просто начнут бить".

Стала вядома, як добра ўладкаваўся ў жыцці муж старэйшай унучкі Лукашэнкі9

Стала вядома, як добра ўладкаваўся ў жыцці муж старэйшай унучкі Лукашэнкі

Усе навіны →
Усе навіны

Барсук, які любуецца сваёй выявай у стылі Бэнксі, стаў пераможцам на конкурсе фатаграфій дзікай прыроды1

Трамп забараніў трансгендарным спартсменкам удзельнічаць у жаночых спаборніцтвах3

«У гатэлі стаіць ахова толькі праз тое, што ты белай расы». Як беларус працаваў у В'етнаме, Зімбабвэ і Філіпінах14

У Самары забілі былога мэра горада і ягоную жонку. Іх унучку падазраюць у забойстве і расчляненні

«Беларускі сілавік» ізноў збрахаў. Гэтым разам — на мільёны11

Выйшаў на свабоду студэнт хімфака БДУ Арцём Баярскі9

Жыхары Смалявічаў скардзяцца на праблемы з даездам у Мінск2

«Я з той жменькі людзей, у якіх алергія на ўласны аргазм»5

Данія вырашыла правяраць танкеры расійскага ценявога флоту. Гэта рэзкая змена ранейшых падыходаў3

больш чытаных навін
больш лайканых навін

Стала вядома, як добра ўладкаваўся ў жыцці муж старэйшай унучкі Лукашэнкі9

Стала вядома, як добра ўладкаваўся ў жыцці муж старэйшай унучкі Лукашэнкі

Галоўнае
Усе навіны →

Заўвага:

 

 

 

 

Закрыць Паведаміць