Мінскі заапарк заклікаў беларусаў падзяліцца з жывёламі лішкамі ўраджаю
Мінскі заапарк абвясціў, што з вялікай падзякай прыме лішкі вашага ўраджаю для сваіх гадаванцаў.
![](http://d3kcf2pe5t7rrb.cloudfront.net/img/w840d4webp1/photos/z_2024_07/-jj9bd.jpg.webp)
Фота: Мінскі заапарк
Мінскі заапарк просіць, пры магчымасці, прыносіць для жывёл чарэшню, кабачкі, слівы, грушы, яблыкі, гарбузы, парэчку, чарніцы, агрэст, абляпіху, алычу, салату, пятрушку, базілік і і іншую сезонную гародніну і садавіну. Адзіная ўмова — не прывозіць сапсаваныя прадукты. «Садавіна і гародніна — яны павінны быць свежымі!» — просіць адміністрацыя заапарка.
Прадукты прымаюцца на службовым уваходзе з боку вуліцы Убарэвіча ў буднія дні з 8:00 да 16:00.
Каментары