У ноч на 20 ліпеня расійскія вайскоўцы для атакі па Украіне выкарысталі не толькі ракеты і дроны-камікадзэ тыпу Shahed-136, але і яшчэ адзін новы дрон неўстаноўленага тыпу. Гэты таямнічы беспілотнік рухаўся на вельмі нізкай вышыні ў 20-30 метраў і прайшоў у афіцыйных паведамленнях, як «БПЛА неўстаноўленага тыпу», піша Defence-ua.com.
У справаздачы камандавання Паветраных сіл Украіны паведамлялася, што дзякуючы дзеянням мабільных агнявых груп, зенітных ракетных войскаў і РЭБ з 16 шахедаў атрымалася збіць 13, плюс адзін неідэнтыфікаваны дрон.
Але пасля ў сеціве з'явілася першая выява абломкаў гэтага дронаі, які сапраўды вельмі моцна адрозніваецца ад Shahed-136. Больш за тое, было ўдакладнена, што ён рухаўся на звышмалой вышыні 20-30 метраў. А апошняе непасрэдна сведчыць, што, хутчэй за ўсё, гаворка ідзе пра камікадзэ.
Таксама з уласных крыніц Defense Express атрымаў дадатковыя фота гэтага збітага дрона. Улічваючы іх, гаворка ідзе пра БПЛА з магчымым размахам крыла больш 4 метраў, апярэннем на бэльках, штурхальным вінтом і фюзеляжам квадратнага профілю.
Можна адзначыць, што ён можа нагадваць расійскі ZALA 421-20, які мае пэўныя падобныя рысы. Але гэты БПЛА належыць да разведвальных, а таму наўрад ці ляцеў бы на такой малой вышыні. Больш за тое, дроны гэтага тыпу малараспаўсюджаныя і наўрад ці яшчэ вырабляюцца, бо прасоўваць гэты робат ZALA пачала яшчэ ў пачатку 2010-х гадоў, а цяпер ён не фігуруе нават у каталогу прадукцыі кампаніі.
У кожным разе цяпер рэшткі гэтага дрона даследуюць, і гэта азначае, што ягоныя магчымасці, асаблівасці, а таксама вытворца і кампаненты, з якіх ён сабраны, будуць устаноўленыя ў найбліжэйшы час, падсумоўвае Defence-ua.com.
Украіна спяшаецца стварыць ваенныя беспілотнікі са штучным інтэлектам
Чаму расійскія дроны сталі часцей залятаць у Беларусь?
Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю
УСУ нанеслі ўдар па вайсковым аэрадроме ў Растоўскай вобласці
Каментары