Грамадства3030

Удзельнік апазіцыйнага руху Віталь Лухвіч выявіўся платным міліцэйскім стукачом

У 2019-м ён удзельнічаў у пратэстах супраць інтэграцыі з Расіяй. На апубліканых фота ён стаіць побач з Міколам Статкевічам і Сяргеем Ціханоўскім, трымае бел-чырвона-белы сцяг.

Віталь Лухвіч. Фота: amia.by, belsat.eu

Віталю Лухвічу 46 гадоў. Ён мінчук. Скончыў Беларускі дзяржаўны педагагічны ўніверсітэт.

Найперш ён вядомы як кіраўнік школы па адзінаборствах у так званым рускім стылі, якая існуе не менш за 15 гадоў. Цяпер яна называецца «Самба» і знаходзіцца ў Заводскім раёне Мінска.

Сюжэт пра школу Віталя з АНТ

Агулам у базах Фонда сацыяльнай абароны насельніцтва і ДАІ, якія ёсць у «Кіберпартызанаў», у мужчыны пад сотню запісаў пра месцы працы. Там і ўніверсітэты з каледжамі, і прадпрыемствы, дэпартамент фінансаў і тылу МУС і нават комплекс «Стайкі».

Віталь нейкі час працаваў на АНТ і на «Беларусьфільме», імаверна, як аператар.

Віталь Лухвіч падчас працы на АНТ. Фота з ягонай старонкі «Укантакце»

Абліваў фарбай суседа і ўдзельнічаў у дэманстрацыях

Першую вядомасць у незалежных медыя Лухвіч атрымаў у 2017 годзе, на гэта звярнуў увагу праект Luka.Zone. Тады ён абліў белай фарбай суседа, які спрабаваў адвучыць яго паркавацца на тратуары. Згодна з базамі «Кіберпартызанаў», у выніку Лухвіч атрымаў адну базавую штрафа.

Віталь Лухвіч (справа) і аблітае фарбай адзенне суседа

Паралельна Лухвіч стаў спрабаваць прымазацца да розных дэмакратычных рухаў. Напрыклад, наведваў акцыі руха салідарнасці «Разам». Яго нават аднойчы затрымлівалі ў 2019-м падчас спробы ўшанаваць памяць забітых нацыстамі ў Хатыні (праўда, аніякага пакарання ён не атрымаў).

Сустаршыня «Разам» Алена Талстая расказала «Нашай Ніве», што аніякай пасады ў руху Лухвіч не займаў і не браў удзел у сходах ці рабочых групах арганізацыі. Але хадзіў на акцыі:

Віталь Лухвіч (справа) на акцыі побач са сустаршынёй руху салідарнасці «Разам» Вячаславам Сіўчыкам. Фота: Белсат

«Яны былі адкрытыя, публічныя, з анонсамі ў СМІ і фэйсбуку. Акцыі ладзіліся ўласнымі сіламі, кожны дапамагаў чым мог: транспартам, знічкамі, кветкамі і гэтак далей. Віталь прыйшоў на адну з акцыяў ушанавання, сказаў, што яму гэта падабаецца.

Не хаваў, што працуе ў спортзале з міліцыянтамі, трэнерам або нешта такое. Сам з гэтага пасмейваўся. Крыху незвычайны для нашага атачэння чалавек, але ніякіх падстаў яго праганяць не было. Падчас акцый нас штораз і так здымалі сэксоты.

Нікуды не лез, нічога не выпытваў, не набіваўся. Трымаў сябе па-кампанейску. Асаблівых сяброўскіх стасункаў ні з кім не падтрымліваў. [Неяк] проста перастаў прыходзіць на акцыі і ўсё».

Лухвіч са сцягам у руках па цэнтры. Фота: Белсат

А ў 2019-м удзельнічаў у пратэстах супраць інтэграцыі з Расіяй, якія ініцыяваў Мікола Статкевіч. На фота ён трымаецца побач з Міколам Статкевічам і Сяргеем Ціханоўскім.

На мяжы 2019-га і 2020-га Лухвіч знік з публічных радараў. Апошняе яго фота ў медыя — прагулка ў раёне Нямігі ў жніўні 2020-га, але там ён не ўдзельнічае ў пратэстах.

«Ларыскор» і стукацтва

Стала вядома, што Лухвіч быў супрацоўнікам «Ларыскор». Нагадаем, гэта фірма для фармальнага працаўладкавання платных стукачоў МУС. Па звестках з базаў «Кіберпартызанаў», Лухвіч працаваў там з красавіка 2016-га па 2020-ты ўключна.

Ягоны заробак у «Ларыскоры» за 2020 год, напрыклад, склаў 7000 рублёў, каля 3000 даляраў на той момант.

Яшчэ ў 2020-м Лухвіч як мінімум двойчы даносіў на пратэстоўцаў. 28 верасня ён паведаміў, што сусед вывесіў бел-чырвона-белы сцяг. А ў дзень смерці Рамана Бандарэнкі 12 лістапада ён скардзіўся, што «кампанія з бчб-сцягамі перакрыла дарогу ў раёне вуліцы Чарвякова, шумяць». Нумар і адрас выкліку супадаюць са звесткамі Лухвіча.

Віталь Лухвіч на семінары ў Акадэміі МУС. Фота: amia.by

Цікава, што ў Лухвіча ёсць брат-блізнюк Вадзім. Ён таксама прысвяціў жыццё спорту. І ён таксама стукач. У верасні 2020-га Вадзім Лухвіч паведаміў, што на воданапорнай вежы ў Ратамцы вісіць бел-чырвона-белы сцяг.

Віталь Лухвіч жа дагэтуль кіруе сваім клубам па адзінаборствах. Праводзіць семінары, сярод іншага і для курсантаў акадэміі МУС.

А таксама працуе ў школе. Па звестках праекта DIT, мужчына займаецца ваенна-патрыятычным выхаваннем у гімназіі №29 у Мінску.

Публікацыя зробленая з дапамогай Digital Intelligence Team (DIT) і базаў «Кіберпартызанаў». DIT — гэта OSINT-праект, які супрацоўнічае з прадэмакратычнымі структурамі ды праектамі ў раследаваннях і даследаваннях розных тэмаў.

«Наша Нiва» — бастыён беларушчыны

ПАДТРЫМАЦЬ

Каментары30

  • Цікаўны
    20.07.2024
    [Рэд. выдалена]
  • Лагічна
    20.07.2024
    Агулам у базах Фонда сацыяльнай абароны насельніцтва і ДАІ, якія ёсць у «Кіберпартызанаў», у мужчыны пад сотню запісаў пра месцы працы. Там і ўніверсітэты з каледжамі, і прадпрыемствы, дэпартамент фінансаў і тылу МУС і нават комплекс «Стайкі».//

    Ну а як жа ж, трэба і там пастучаць, і там.
  • У галаву я ем
    20.07.2024
    З артыкула вынікае, што Лухвіч не лез у апазіцыйныя арганізацыі, а проста маўкліва стаяў побач. Гэта нават не сэксот з камерай, а пасіўны ўдзельнік масоўкі. Сумняюся, што ён нанёс хоць бы якую істотную шкоду апазіцыі. Трэнер зарабляў усімі сродкамі, якімі дазваляў інтэлект. Пастуківаў, папісваў, атрымліваў свае 3000 баксаў у год. І заўважце - гэта было да 2020-га. Не думайце, што я яго апраўдваю! Але ж і дэманізаваць гэтага дробнага стукачыка не варта.

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

EPAM і Wargaming заплацілі самыя вялікія падаткі сярод усіх літоўскіх IT-кампаній10

Спецпрадстаўнік ЗША: Санкцыі супраць Расіі працуюць «на 3 балы з 10», іх можна ўзмацніць14

Беларускую добраахвотніцу Марыю Зайцаву пахавалі на могілках у Кіеве ФОТА3

Ва Уруччы пабудуюць чатыры шматпавярховікі4

Мілы сабака на запраўцы, што радуецца любому чалавеку, скарае сацсеткі18

ЗВР Беларусі дасягнулі 9 мільярдаў даляраў7

Як тэлешоу дапамаглі знізіць колькасць разводаў у Паўднёвай Карэі3

Анастасія Нюфер з ЗША, вызваленая ў Беларусі ў дзень выбараў, апублікавала першае фота1

Два гомельскія кур‘еры забралі 100 тысяч у 87-гадовай жанчыны, кінулі куратара і пачалі салодкае жыццё5

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць