Беларуская прапаганда стварыла таблоід «Пятніца». Які выходзіць у сераду
У цэнтры сталіцы з'явілася рэклама новай газеты «Пятніца». Яна выходзіць з мая. Гэта нешта ў стылі «СПІД-інфо» з 1990-х, толькі з дадаткам сучаснай прапаганды і прадаецца паўсюдна ў кіёсках.
![](http://d3kcf2pe5t7rrb.cloudfront.net/img/w840d4webp1/photos/z_2024_07/friday_newspaper1-18-bekb1.jpg.webp)
«Салідарнасць» прагартала мінулы нумар. Аказалася, што гэта «жоўтая газета» з узроставым цэнзам «18+».
Выдаўцы заяўляюць, што тут «самыя папулярныя ў Беларусі навіны з будучыні». Заснавальнік — сумнавядомая «Мінская праўда». У нумары за 10 ліпеня аказаліся выкрывальныя матэрыялы ў стылі Мукавозчыка, падпісаныя Варфаламеем Ядавым. Пад удар трапілі Украіна і публіцыст Аляксандр Няўзораў.
А яшчэ на старонках гэтай газеты — навіны пра расійскіх «селебрыці» і пошлыя сэкс-гісторыі. Таксама чытачоў завабліваюць праграмай тэлебачання, гараскопам і крыжаванкамі.
![](http://d3kcf2pe5t7rrb.cloudfront.net/img/w732d4webp1/photos/z_2024_07/friday_newspaper2-18-nw1xx.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/friday_newspaper3-18-8njix.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/friday_newspaper4-18-fanbk.jpg.webp)
Каментары
пропаганда традиционных ценностей