У Мінску адбыўся няшчасны выпадак з кіроўцам аднаго са сталічных прадпрыемстваў. Ён трапіў у бальніцу, калі яго заціснула паміж двума МАЗамі.
![](http://d3kcf2pe5t7rrb.cloudfront.net/img/w732d4webp1/photos/z_2024_05/maz240530-jpnfk.jpg.webp)
Фота: СК
Сёння раніцай 63-гадовы кіроўца на стаянцы грузавікоў стаў на прыступку кабіны МАЗа, уставіў ключ у замак запальвання і запусціў рухавік.
Аднак грузавік стаяў не на тормазе. На механічнай каробцы перадач была ўключана перадача, у выніку чаго адразу пасля запуску рухавіка машына пачала рухацца.
![](http://d3kcf2pe5t7rrb.cloudfront.net/img/w732d4webp1/photos/z_2024_05/maz2_240530-9ic4m.jpg.webp)
Фота: СК
Яна сутыкнулася з машынамі, што стаялі побач. Кіроўцу заціснула паміж кабінамі. Ён атрымаў шматлікія траўмы.
Каментары