Спорт11

Фантастыка ў стыках Германіі! 16-ю каманду Бундэслігі «пахавалі» пасля хатніх 0:3, а яна ў гасцях здзейсніла неверагодны камбэк

«Бохум» пакінуў «Фартуну» ў другой лізе. Усё вырашыла серыя пенальці.

Стыкавыя матчы за права згуляць у Бундэслізе — агонь! Хоць пасля першай гульні здавалася, што на інтрыгу варта забыцца, піша Championat.com

Рэгламент у Германіі такі, што трэцяя з канца каманда Бундэслігі праводзіць стыкавыя матчы з трэцім клубам другога дывізіёна. Менавіта так «Бохум» і «Фартуна» знайшлі адзін аднаго. У першым матчы клуб з Дзюсельдорфа прыбіў суперніка на выездзе — 3:0. Напэўна, толькі самыя адданыя заўзятары «Бохума» верылі, што іх каманда аформіць грандыёзны камбэк.

Пару слоў пра фанатаў 16-й каманды Бундэслігі. Найбольш радыкальныя паказвалі гульцам сваёй каманды непрыстойныя жэсты пасля прыніжэння ў першым матчы. Магчыма, такія пачварныя паводзіны заўзятараў добра расштурхалі гульцоў «Бохума». А як яшчэ растлумачыць тое, што адбылося ў Дзюсельдорфе?

У канцоўцы другога тайма рэжысёр трансляцыі рэгулярна браў буйныя планы заўзятараў «Фартуны» на трыбунах.

Людзі хапаліся за галаву, з цяжкасцю стрымлівалі слёзы ад хвалявання, нервова папраўлялі валасы, а хтосьці прасіў дапамогі ў Бога. Чакайце, але ж іх каманда выйграла першы матч з розніцай у тры галы. І ўсё ж нешта пайшло не так.

Філіп Хофман аформіў дубль, а Кевін Штэгер набраў 3 (1+2) балы па сістэме «гол+пас». Калі што, гэта два футбалісты «Бохума».

Да 70-й хвіліны госці ператварылі 0:3 у 3:3 па суме двух матчаў. Асобнае прывітанне фанатам «Бохума» і іх непрыстойным жэстам па выніках першага матчу. 

У асноўны час гледачы больш галоў не ўбачылі, у дадатковы — таксама. Хоць у канцоўцы футбалісты «Бохума» вынеслі мяч з лініі варот.

Справа дайшла да серыі пенальці — трэба ж было дадаць яшчэ больш драмы. Спачатку нервы не вытрымалі ў Андрэ Хофмана — яго ўдар адбіў брамнік «Бохума» Андрэас Лютэ. Крыху пазней ужо галкіпер гаспадароў Фларыян Кастэнмаер пацягнуў стрэл Эрхана Машавіча. Пасля пяці ўдараў кожная з каманд рэалізавала па чатыры спробы.

Вырашальным быў удар Такасі Уціна — японец з «Фартуны» запусціў мяч над перакладзінай. Пакуль аднаклубнікі суцяшалі японца, футбалісты «Бохума» рынуліся да сектара са сваімі фанатамі. А тыя запалілі ў прамым сэнсе гэтага слова — кідалі на радасцях піратэхніку.

«Бохум» захаваў месца ў Бундэслізе.

Каментары1

  • Žvir
    28.05.2024
    Nu, dyk a što Nioman, ci dahnaŭ jon Tarpieda ¿

Хто яна, новая жонка Сяргея Міхалка?

Хто яна, новая жонка Сяргея Міхалка?

Усе навіны →
Усе навіны

Пацверджаныя страты Расіі ва Украіне перавысілі 60 тысяч чалавек забітымі5

Ксёндз Уладзіслаў Завальнюк больш не пробашч Чырвонага касцёла

Палітвязень Андрэй Пачобут да гэтага часу знаходзіцца ў ПКТ1

Вядучы БТ расказаў, як яго не хацелі пускаць у Парыж на Алімпіяду. Але ён перамог1

Палітвязням, у якіх заканчваюцца тэрміны, прапанавалі напісаць прашэнні аб памілаванні1

На праклёны дачкі Ірыны Фарыён забойца ніяк не рэагаваў, а заявіў: «Час пакажа»3

У Расіі затрымалі яшчэ аднаго намесніка міністра абароны3

Стала вядома імя і загулы расійскага «шэф-кухара», які быў насамрэч агентам3

Гродзенцы сталі ў велізарную чаргу, каб перарэгістраваць аўто. ГУБАЗіК будзе разбірацца, хто «нагнятае сітуацыю»7

больш чытаных навін
больш лайканых навін

Хто яна, новая жонка Сяргея Міхалка?

Хто яна, новая жонка Сяргея Міхалка?

Галоўнае
Усе навіны →