Ілюстрацыйнае фота «Наша Ніва»

Ілюстрацыйнае фота «Наша Ніва»

OpenAI, Microsoft, Amazon і яшчэ 13 буйных кампаній, якія займаюцца распрацоўкамі ў сферы штучнага інтэлекту, падпісалі маштабнае пагадненне аб бяспецы.

Дамова прадугледжвае, што кампаніі распрацуюць спецыяльныя пратаколы бяспекі, якія дазволяць не выкарыстоўваць штучны інтэлект у небяспечных для чалавецтва або злачынных мэтах. Кампаніі таксама павінны будуць растлумачыць, як яны збіраюцца ацэньваць рызыкі і якія пастановы будуць прымаць у тых ці іншых сітуацыях, паведамляе брытанскі ўрад.

Таксама падпісанты пагаднення вызначаць «чырвоныя лініі», пры перасячэнні якіх распрацоўкі будуць прыпыняцца, а праекты — адключацца. Вызначыць гэтыя «чырвоныя лініі» дапамогуць урады краін.

У ліку патэнцыйных рызык называюць аўтаматызаваныя кібератакі і пагрозу стварэння біялагічнай зброі з дапамогай ШІ. Для такіх выпадкаў кампаніі павінны будуць прадугледзець» аварыйныя выключальнікі», актывацыя якіх прыпыніць распрацоўкі.

Пагадненне было падпісана ў ходзе Саміту па ШІ ў Сеуле. Акрамя таго, на канферэнцыі кіраўнік OpenAI Сэм Альтман анансаваў выхад GPT-5. Падрабязнасцяў ён не раскрыў, аднак намякнуў, што новая версія ШІ будзе значна больш магутнай за папярэднюю — на слайдзе, які паказаў Альтман, GPT-5 прадстаўлена ў відэа вялізнага кіта, тады як GPT-4 намаляваная касаткай. Чакаецца, што сістэма будзе запушчана ў найбліжэйшыя месяцы.

Эксперты і карыстальнікі раней выказвалі меркаванне, што з выхадам GPT-5 верагоднасць «уцёкаў» ШІ з-пад чалавечага кантролю ўзрасце да 22%.

Клас
3
Панылы сорам
1
Ха-ха
1
Ого
2
Сумна
0
Абуральна
1